Интернетга уланинг ва абонент қурилмасини олинг

2. Шартнома бўйича хисоблаш тартиби ва нарх.
2.1. __________________________ сўмлик қурилма Сақловчига Мулкдор ва Сақловчи ўртасида тузилган Шартноманинг бутун даврида телекоммуникация хизматларидан фойдаланиш учун тақдим этилади.
3. Томонларнинг ҳуқуқ ва мажбуриятлари.
3.1. Мулкдор қуйидагиларга ҳақли:
3.1.1. Қуйидаги ҳолларда мажбуриятларини амалга оширмасликка:
- Сақловчи айби билан қурилма шикастланса ёки қурилма Сақловчи томонидан йўқотилса;


- ушбу Шартнома шартлари Сақловчи томонидан бузилса;
- Сақловчи ва Мулкдор ўртасида тузилган телекоммуникация хизматларини кўрсатиш ҳақидаги шартнома бекор қилинса.
3.1.2. “Интернетга уланинг ва абонент қурилмасини олинг” акциясига доир тадбиркорлик фаолиятидаги молиявий хатарлар (рисклар)/йўқотишларнинг олдини олиш учун суғурталаш хизматидан фойдаланишга.
3.2. Мулкдор қуйидагиларга мажбур:
3.2.1 Қурилмани ушбу Шартномада қўрсатилган шартларга мувофиқ ҳолда тақдим этишга.
3.2.2. Ушбу Шартномада келтирилган 1-иловага асосан Шартнома имзолангандан сўнг, Қурилмани топшириш-қабул қилиш далолатномасини тузиб, Сақловчига тақдим этишга.
3.2.3.  Қурилма тақдим этилишидан аввал Сақловчи томонидан носозликлар аниқланганда, ўз ҳисобидан улар бартараф этилишига ёки олти ой ичида шу каби қурилмага алмаштириб беришга.
3.2.4. Ушбу Шартномада келтирилган 1.3 банддаги ҳолатда қурилмани алмаштириб беришга.
3.2.5. Сақловчининг фойдаланиш ҳудудида қурилмани монтаж қилиш ва тегишли созлаш ишларини олиб боришга.
3.3. Сақловчи қуйидагиларга хақли:
3.3.1. 5 иш куни ичида Мулкдорга ёзма шаклда мурожаат қилган ҳолда, Шартномадаги мажбуриятлар бажарилишидан воз кечишга.
3.3.2. Ушбу Шартномада келтирилган ҳолатларга мос равишда қурилмани Мулкдор томонидан алмаштириб берилишини талаб килишга.
3.4. Сақловчи қуйидагиларга мажбур:
3.4.1. Ушбу Шартноманинг шартларига риоя килишга.
3.4.2. Мулкдор ёки бошқа ходим (Мулкдорнинг ҳуқуқлари берилган ваколатли шахс ёки ваколатлари Ўзбекистон Республикаси қонунчилиги талаблари билан белгиланган шахс) томонидан қурилма қайтарилиши сўралмагунга қадар унинг сақланишига.
3.4.3. Қурилмани сақлаш мобайнида қонун ва бошқа ҳуқуқий ҳужжатларда кўрсатилган эҳтиёт чораларини қўришга (ёнғинга қарши, санитар, хавфсизлик чоралари ва ҳ.к.).
3.4.4. Мулкдорнинг розилигисиз қурилма ижарага берилишига, мазкур Шартнома бўйича ҳуқуқ ва мажбуриятлар, шунингдек, Шартнома амал қилиши даврида қурилмадан бепул фойдаланиш учун унинг учинчи шахсларга тақдим этилишига йўл қўймасликка.
3.4.5. Шартнома амал қилиш даврида Мулкдор томонидан берилгандан кейин қурилма шикастланган бўлса, ихтисослаштирилган муассаса ёки техник хизмат, шу жумладан электротехника қурилмалари (телекоммуникация ускуналари) бўйича хизматлар кўрсатувчи мутахассисни ўз ҳисобидан ёллаб, унинг техник шикастланганлиги/ҳолати аниқланишини ва Мулкдорга қурилманинг техник шикастланганлиги/ҳолатини тасдиқловчиловчи далолатномани (шикастланиш сабаблари кўрсатилган дефектация далолатномаси (акти) ёки хулоса)ни тақдим этишга.
3.4.6. Қурилма йўқотилганда ёки шикастланганда зудлик билан “1084” қиска рақами орқали Мулкдорга (узоғи билан бир иш куни ичида) маълум қилишга.
3.4.7. Тақдим этилган қурилманинг ушбу Шартнома моҳиятига мос равишда, унинг ўзига хос хусусиятларини инобатга олган ҳолда сақланиши бўйича тегишли чоралар кўрилишига.
3.4.8. Мулкдор ёки бошқа ходим (Мулкдорнинг ҳуқуқлари берилган ваколатли шахс ёки ваколатлари Ўзбекистон Республикаси қонунчилиги талаблари билан белгиланган шахс) розилигисиз сақловга берилган қурилмадан фойдаланмасликка, учинчи шахслар томонидан фойдаланилишига йўл қўймасликка (қурилма сақланилиши таъминланиши учун ундан фойдаланиш зарурати юзага келган ва Шартномага зид бўлмаган ҳолатлар бундан мустасно).
3.4.9. Қурилмани сақлаш шароитини ўзгартириш зарурати туғилганда, Мулкдорга ушбу ҳақда тезкорлик билан маълум қилишга ва Мулкдор жавоб бергунга қадар кутишга.