Internet tarmog`ining axborot va kommunikatsiya xizmatlari; Internet yaratilishi tarixi; Internetni nimalar tashkil etadi ?

WiMAX (Worldwide Interoperability for Microwave Access), WiFi – texnologiyasiga o`xshash texnologiya bo`lib, Internetga keng polosali murojaat qilish imkonini ta’minlaydi. WiMAX boshqa radioaloqaga asoslangan an’anaviy ulanish umullariga qaraganda ma’lumotlarni 50 km masofaga 70 Mbit/s tezlik bilan uzatadi.

WiMAX texnologiyasini rivojlanishi uchun 1999 yili IEEE 802.16 bazasi asosida WiMAX-forum tashkil qilingan edi. Forumda Nokia, Harris Corporation, Ensemble, Crosspan hamda Aperto kabi mashhur kompaniyalar hamkorlikda ishtirok etishgan. 2005 yil may oyiga kelib ushbu forum 230 dan ortiq qatnashchilarni birlashtirgan. O`sha yili WSIS (World Summit on Information Society) tomonidan WiMAX texnologiyasining quyidagi maqsad va vazifalari aniqlab berilgan:

1. WiMAX yordamida kichik qishloqlar, uzoq regionlarda informatsion hamda kommunikatsiya texnologiyalarini rivojlantirish (ko`pgina chekka hududlarda telefon hamda kabelli tarmoqlarning umuman mavjud emasligini hisobga olgan holda).

2. WiMAX yordamida yer sharining turli hududlaridagi aholiga informatsion hamda kommunikatsion texnologiyalardan foydalanish imkoniyatini yaratish.

Hozirgi vaqtda WiMAX paketli ma’lumotlar uzatish protokoliga asoslangan 4G tarmoqlari ishini qisman qanoatlantiradi. 4G oilasiga tezligi 100 Mbit/sek bo`lgan yuqori sifatli tovushli aloqani ta’minlaydigan texnologiyalar kiradi. Bugungi kunga kelib SuperImax kompaniyasi EVO savdo belgisi asosida respublikamizning qator viloyatlari markazlarida, shuningdek, Lit-Tel kompaniyasi Skyline savdo belgisi bilan Toshkent shahridagi foydalanuvchilarga WiMAX texnologiyasiga asoslangan yuqori tezlikdagi ishonchli Internet xizmatlarini taqdim etmoqda.