Internet tarmog`ining axborot va kommunikatsiya xizmatlari; Internet yaratilishi tarixi; Internetni nimalar tashkil etadi ?

Wi-Fi asosida ulanish. Wi-Fi – nomi inglizcha Wireless Fidelity – (ma’nosi ma’lumotlarni simsiz aniq uzatish) jumlasidan kelib chiqqan bo`lib, raqamli ma’lumotlarni radiokanal bo`yicha IEEE 802.11 standarti bo`yicha uxatadi. Umuman ushbu standart nomeri bo`yicha 8 variant ishlab chiqilgan bo`lib, ulardan ikkitasi amalda joriy etilgan - 802.11a va 802.11b. Oxirgi variant Wi-Fi nomi bilan atalgan. U simsiz lokal tarmoqlarni 2,4 GGs chastota diapazonida 11 Mbit/sek tezlikda Direct Sequence Spread Spectrum (DSSS) - protokoli asosida tashkil etishni belgilaydi.

Dastlab Wi-Fi qurilmalari faqat korporativ foydalanuvchilarga mo`ljallangan bo`lib, asosiy maqsadi tarmoqdagi simli kabellarni almashtirish bo`lgan. Simsiz tarmoq tashkil etish uchun ofis kompyuterlaridan biriga bazaviy stansiya (murojaat qilish nuqtasi) o`rnatib, qolgan har bir kompyuter tarmoq kartasiga antenna o`rnatish zarur edi.

Murojaat qilish nuqtasi simli va simsiz tarmoqni birlashtirib, foydalanuvchilarga simli tarmoq umumiy resurslaridan foydalanish imkoniyatini yaratib beradi. Har bir murojaat qilish nuqtasi tarmoq tizimining imkoniyatlarini kengaytiradi. Foydalanuvchilar o`z kompyuterlari bilan joylarini almashtirsalar ham hech qanday qo`shimcha sozlashlarsiz bemalol tarmoqdan foydalanishlari mumkin. Umuman murojaat qilish nuqtasi dasturiy-apparat qurilma bo`lib, simsiz tarmoq kliyenti uchun konsentrator vazifasini bajarib,simli tarmoqqa ulanish imkoniyatini ta’minlaydi. Wi-Fi antenna radiusi 100 metr bo`lgan diapazondagi kompyuterlardan signal qabul qilishi mumkin. Uni o`rnatishda mutaxassis bino ichida signalni uzatishga to`sqinlik qiluvchi joylarni bilgan holda ish tutishi kerak. Masalan, ikki kompyuter o`rtasida qalin beton ddevor mavjud bo`lsa, signal to`silishi mumkin.

Тarmoq ichida foydalanuvchi o`z tizimli nomi asosida autentifikatsiya nazoratidan o`tkazilishi ma’lumotlarga ruxsatsiz murojaatlarni cheklash imkonini beradi.Alohida maxfiy axborotlarni uzatishda signallarni yordamchi algoritm asosida shifrlash amalga oshiriladi va ma’lumotlar elektron kalit yordamida nazorat qilinadilar.