Internet tarmog`ining axborot va kommunikatsiya xizmatlari; Internet yaratilishi tarixi; Internetni nimalar tashkil etadi ?

Qanday ulanish mumkin?

Hozirgi vaqtda Internetga ulanishda Hot-Spot (qaynoq nuqtalar) nomli bepul murojaat qilish nuqtalari ommalashgan. Ular kafelarda, mehmonxonalarda, turli markazlarda o`rnatilgan bo`lib, tashrif buyuruvchilarga Internetdan bepul foydalanish imkoniyatini yaratadi. Mos qurilmaga ega bo`lgan holda (Wi-Fi adapterli noutbuk yoki cho`ntak kompyuteri yetarli) Internetga ulanish oson.Faqat tarmoq mehmoni sifatida ulanish kerak.

Bunday nuqtalar shuningdek aeroportlar, dam olish maskanlarida ham o`rnatilgan bo`lishi mumkin. Bunday vaziyatda Internetga ulanishning eng qulay usuli aynan Wi-Fi bo`lib qoladi.

Keyingi paytlarda uyali aloqa operatorlari ham Wi-Fi texnologiyasiga qiziqish bildirmoqdalar. Ularning ba’zilari hududlarda foydalanuvchilarni Internet tarmog`iga ulanishlari bo`yicha sinov ishlarini olib bormoqdalar.

Ushbu texnologiyadan foydalanib simsiz tarmoq tashkil etish uchun $300 atrofida qurilma o`rnatish kerak bo`ladi. Undan $100 murojaat qilish nuqtasi vazifasini bajaruvchi marshrutizator uchun, $65 dan har bir PCI adapter uchun sarflanadi. Agar noutbukdan foydalanilsa, USB adapter uchun $70-80 zarur bo`ladi.Cho`ntak kompyuteri uchun mos Compact Flash karta-adapteri narxi $90-130.