16 ва 17-бандларни акс эттирадиган мисол
Тадбиркорлик субъекти 100 нафар ходимга эга бўлиб, уларнинг ҳар бири ҳар йили беш иш кунлик тўланадиган касаллик таътили олиш ҳуқуқига эга. Фойдаланилмаган касаллик таътили кейинги бир календар йилига ўтказилиши мумкин. Касаллик таътили аввал жорий йилдаги ҳуқуқ ҳисобидан ва кейин эса олдинги йилдан ўтказилган қолдиқ ҳисобидан олинади (ЛИФО асосда). 20Х1 йил 31 декабр ҳолатига ўртача фойдаланилмаган ҳуқуқ ҳар бир ходим учун икки кунни ташкил этади. Давом этиши кутилган тажриба асосида, тадбиркорлик субъекти шуни кўзда тутадики, 92 нафар ходимлар 20Х2 йилда беш кундан ортиқ бўлмаган тўланадиган касаллик таътилини олади ва қолган 8 нафар ходимларнинг ҳар бири ўртача олти ярим кундан олади.
|
Тадбиркорлик субъекти шуни кўзда тутадики, у 20Х1 йил 31 декабр ҳолатига жамғарилган фойдаланилмаган ҳуқуқ натижасида касаллик тўловининг қўшимча ўн икки кунини тўлайди (8 нафар ходимнинг ҳар бири бир ярим кундан). Шу туфайли, тадбиркорлик субъекти касаллик тўловининг ўн икки кунига тенг мажбуриятни тан олади.
|
18 Жамғарилмайдиган тўланадиган ишламаган вақт учун тўловлар келгусига ўтказилмайди: агарда жорий даврдаги ҳуқуқдан тўлиқ фойдаланилмаса, улар ўз кучини йуқотади ва ходимларга тадбиркорлик субъектидан ишдан бўшаётганда фойдаланилмаган ҳуқуқ учун ҳақ олиш ҳуқуқини бермайди. Бу одатда касаллик тўлови (фойдаланилмаган олдинги ҳуқуқ келгуси ҳуқуқни оширмайдиган даражада), декрет таътили ва суд маслаҳатчиси вазифасини ўташ ёки ҳарбий хизматни ўташ учун тўланадиган таътил ҳолатида бўлади. Тадбиркорлик субъекти ишда бўлмаслик муддатига қадар мажбурият ёки харажатни тан олмайди, чунки ходим хизмати ҳақ тўлаш суммасини оширмайди.
Фойдада-қатнашиш ва мукофот тизимлари
19 Тадбиркорлик субъекти 11-бандга асосан фойдада-қатнашиш ва мукофот тўловлари бўйича кутилаётган харажатни тан олиши лозим, фақатгина қачонки:
(a) тадбиркорлик субъекти олдинги ҳодисалар натижасида бундай тўловларни амалга ошириш бўйича жорий юридик ёки кўзда тутилган мажбуриятга эга бўлса; ва
(б) мажбуриятнинг ишончли баҳоланиши мумкин бўлса.
Жорий мажбурият мавжуд бўлади, фақатгина қачонки тадбиркорлик субъекти тўловларни амалга оширишдан бошқа реал муқобилга эга бўлмаганда.
20 Баъзи фойдада-қатнашиш тизимларига асосан, ходимлар фойданинг қандайдир қисмини олади, фақатгина агарда улар белгиланган давр мобайнида ушбу тадбиркорлик субъектида ишлашни давом қилса. Ходимлар тўланадиган суммани оширадиган хизматни кўрсатиши билан, бундай тизимлар кўзда тутилган мажбуриятларни юзага келтиради, агарда ходимлар белгиланган давр охирига қадар хизмат қўрсатишни давом қилса. Бундай кўзда тутилган мажбуриятларни баҳолаш баъзи ходимларнинг фойдада-қатнашиш бўйича тўловларни олмасдан ишдан бўшаши мумкинлигининг эҳтимолини акс эттиради.
-
Do'stlaringiz bilan baham: |