Institut tarixini uch davrga bo‘lish mumkin

Institut hozirgi binosining qurilish davri (1973-1977 yillar).

Saydaliyeva Mahfuza Sultonovna
1927 yilda Qo‘qon shahrida ziyolilar oilasida tug‘ilgan,
1956 yilda Moskva neft institutini tamomlab, tog‘ injeneri-geolog mutaxassisligiga ega bo‘lgan. 1961 yilda geologiya-mineralogiya fanlari nomzodi va 1970 yilda fan doktori ilmiy darajasini olgan. 1973-1986 yillarda Farg‘ona vodiysi regional rektorlar kengashining raisi. M.S.Saydaliyeva institutda
15 yil davomidarektor lavozimida uning shakllanish va moddiy-texnika bazasini yaratish, o‘quv-metodik va ilmiy-tadqiqot ishlarining tashkil qilinishini boshqargan.

Saydaliyeva Mahfuza Sultonovna 1972-1987 yillarda institut rektori lavozimida ishlagan.

Institut xududining ko‘cha tomondan ko‘rinishi.

Qoraboyev Muxammadjon
1942 yilda Andijon viloyatida tug‘ilgan,
1963 yili Andijon pedagogika institutini tamomlagan, 1971 yili fan nomzodi, 1986 yili fan doktori ilmiy darajalarini, 1991 yili professor ilmiy unvonini olgan.
M.Qoraboyev O’zbekiston Respublikasi Xalq ta’limi vazirining o‘rinbosari, Respublika bosh vazirining o‘rinbosari, Farg‘ona viloyat hokimining o‘rinbosari, Farg‘ona davlat universiteti rektori lavozimlarida mehnat qilgan.

Qoraboyev Muxammadjon 1987-1988 yillarda institut rektori lavozimida ishlagan.

Institut foyesiga kirish joyi

Burxonov Raxmiddin Burxonovich 1946 yilda Farg‘ona viloyatining Arsif qishlog‘ida tug‘ilgan.
1967 yilda ToshDUning fizika fakultetini tamomlagan.
1976 yilda pedagogika fanlari nomzodi ilmiy darajasini olgan. 1991 yilda fizika kafedrasi professori unvoniga ega bo‘lgan. Farg‘ona politexnika institutida 1968 yildan fizika kafedrasining assistenti, keyingi yillarda katta o‘qituvchi, dotsent, tayyorlov bo‘limi mudiri, mexanika fakulteti dekani, kechki va sirtqi bo‘lim prorektori lavozimlarida ishlagan.

Burxonov Raxmiddin Burxonovich 1989-1995 yillarda institut rektori lavozimida ishlagan.