Institutí NÓkis filialí «Veterinariyada kàsip etikaSÌ»

3-Tema. “O’zbekstan Respublikasi kadrlar tayarlaw milliy da’stu’ri”nin’ mazmun ha’m ma’nisi
Ulıwma qaǵıydalar
1. Máseleler hám kadrlar tayarlaw sistemasın tu’pten reformalaw faktorları
2. Milliy da’stu’rdin’ maqseti, wazıypaları jáne onı ámelge asıriw basqishlari
3. Kadrlar tayarlawdıń Milliy modeli
4. Kadrlar tayarlaw sistemasın rawajlandırıwdıń tiykarǵı baǵdarları
5. Da’stu’rdi ámelge asıriwge tiyisli shólkemlestirilgen ilajlar
Uliwma qag’iydalar
Ózbekstan Respublikası insan huqıqları hám erkinliklerine ámel etiliwin, jámiyettiiń ruwxıy jańalanıwın, social jóneltirilgen bazar ekonomikasın qáliplestiriwdi, jáhán jámiyetshiligine qosıliwdı támiyinleytuǵın demokratiyalıq huqıqıy mámleket hám ashıq puqaralıq jámiyeti qurmaqta.
Insan, onıń hár tárepleme uyg’in jetilisiwi hám párawanlıǵı, shaxs máplerin ámelge asıriwdiń sharayatların hám tásirli mexanizmlerin jaratıw, eskirgen oylaw ha’m social minez-qulıqtıń ulgilerin ózgertiw respublikada ámelge asırılıp atırǵan reformalardıń tiykarǵı maqseti hám háreketlendiriwshi kúshi bolıp tabıladı. Xalıqtıń bay intellektuallıq miyrasları hám ulıwmadu’nyalıq qádriyatlar tiykarında, zamanagóy mádeniyat, ekonomika, pán, texnika hám texnologiyalardıń jetiskenlikleri tiykarında kadrlar tayarlawdıń jetilisken sistemasın qáliplestiriw Ózbekstan rawajlanıwınıń zárúrli shárti bolıp tabıladı.
Kadrlar tayarlaw milliy da’stu’ri "Tálim haqqında"g’i Ózbekstan Respublikası nızamınıń qaǵıydalarına muwapıq halda tayarlanǵan bolıp, milliy tájiriybeniń analizi hám tálim sistemasındaǵı jáhán kólemindegi tabıslar tiykarında tayarlanǵan hám de joqarı ulıwma hám kásip-óner mádeniyatına, dóretiwshilik jáne social aktivlikke, sociallıq-siyasiy turmısta ǵárezsiz túrde móljeldı tuwrı ala biliw uqıpına iye bolǵan, keleshek wazıypaların ilgeri su’riw hám sheshiwge ılayıq kadrlardıń jańa áwladın qáliplestiriwge jóneltirilgen bolıp tabıladı.
Programma kadrlar tayarlaw milliy modelin ámelge asıriwdi, hár tárepleme kámal tapqan, jámiyette turmısqa maslasqan, tálim hám kásip-óner da’stu’rlerin sanalı túrde tańlaw hám keyinirek puqta ózlestiriw ushın sociallıq-siyasiy, huqıqıy, psixologiyalıq -pedagogikalıq hám basqa tárizdegi sharayatlardı jaratıwdı, jámiyet, mámleket hám shańaraq aldında óz juwapkershiligin sezetug’in puqaralardı tárbiyalawdı názerde tutadi.

2.