Inspeksiya boshlig‘i I. Xolmatov toshkent sh

Radiografik nazoratda aniqlangan payvand ulanishlar nuqsonlarining yo‘l qo‘yiladigan me’yorlari

5.1 jadval
Nuqson	Payvand ulanishning o‘lcham ko‘rsatkichi (O‘K), mm	Maksimal o‘lcham, mm	100 mm chokdagi nuqsonlar soni
Bittalik ulanishlar	2,0 dan 15 ulanishgacha 15 dan ortiq 40 ulanishgacha 40 dan ortiq ulanish	0,15 O‘K +0,5 0,05 O‘K +2,0 0,025 O‘K+3,0, biroq 5 dan ortiq emas	Bittalik ulanishlar va yig‘malarning umumiy soni: O‘K 2 dan 40 gacha bo‘lganda 0,35 O‘Q +12 O‘Q 40 dan ortiq bo‘lganda 0,1 O‘Q +18, biroq 27 dan ortiq bo‘lmasligi zarur

Izoh. Keltirilgan umumiy maydon bo‘yicha me’yorlar me’yoriy hujjatlarda belgilangan.
6. Ultratovushli nazorat
13. Payvand ulanishlarning sifati quyidagi shartlarga rioya etilganda qoniqarli hisoblanadi:
aniqlangan uzilishlar uzun emas (uzilishlarning shartli uzunligiga muvofiq aks ettiruvchi etalonning shartli uzunligidan oshmasligi zarur);
skaner yuzasi bo‘yicha ikkita yonma-yon joylashgan uzilishlar (uzilishlar bittalik bo‘lganda) orasidagi masofa ushbu ko‘rsatkichning katta o‘lchami uzilishining shartli uzunligidan kichik bo‘lmasligi zarur;
bittalik uzilishlarning ekvivalent maydoni va soni qonunchilikda o‘rnatilgan tartibda kelishilgan holda, me’yoriy hujjatlarda belgilangan me’yorlardan oshmasligi zarur.
7. Mexanik sinovlar
14. Payvand ulanishlarning mexanik sinovlari natijalariga ko‘ra sifati quyidagi shartlarga rioya etilganda qoniqarli hisoblanadi:
a) vaqtinchalik qarshilik asosiy metall uchun yo‘l qo‘yish mumkin bo‘lgan minimal darajadan kichik bo‘lmasligi zarur, vaqtinchalik qarshilikning me’yoriy ko‘rsatkichlari turli bo‘lgan elementlarni, payvand ulanishlarida esa ushbu ko‘rsatkich nisbatan mustahkam bo‘lmagan asosiy metall uchun yo‘l qo‘yish mumkin bo‘lgan minimal darajadan kichik bo‘lmasligi zarur;
b) statik bukilishga sinovlarda bukilish burchagi va qisayotgan yuzalar oralig‘idagi masofa tashqi diametri 108 mmdan kichik, devor qalinligi 12 mmdan kam bo‘lgan quvurlarning payvand birikmalarini pachoqlanishga sinovlari ushbu ilovaning 7.1 jadvali talablariga muvofiq bo‘lishi zarur;
v) chokdagi kesma GOST 6996 bo‘yicha VI tipdagi bo‘lgan namunalarning zarbga chidamliligini bukilishiga sinovlari quyidagilardan kam bo‘lmasligi zarur:
49 J/cm² (5 kgf/cm²) — perlit hamda martensit-ferrit klassli yuqori legirovka qilingan po‘latdan tayyorlangan elementlarning payvand ulanishlari uchun;
69 J/cm² (7 kgf/cm²) — austenit klassli xromnikellangan po‘latdan tayyorlangan elementlarning payvand ulanishlari uchun.
8. Metallografik izlanishlar
Payvand ulanishlarning metallografik izlanishlar natijalariga ko‘ra sifatini baholash me’yorlari me’yoriy hujjatlar talablariga muvofiq bo‘lishi shart. Bunda 6-bandda ko‘rsatilgan nuqsonlar yo‘l qo‘yib bo‘lmas nuqsonlarga kiradi.
9. Atamalar va mazmunlar
15. Payvandlanayotgan detallarning nominal qalinligi — asosiy metallning payvand chokiga birikkan zonadagi detallarning chizmada ko‘rsatilgan (yo‘l qo‘yilganini hisobga olmaganda) qalinligi.
16. Burchak chokining hisoblangan balandligi — GOST 2601 bo‘yicha (ikki tomonlama burchak chokning hisoblangan balandligi — uning hisoblangan har ikki qismining umumiy balandligi bo‘lib, har tomondan amalga oshiriladi).
17. Ulanish — bo‘shliq, shlak va volfram ulanishlarning umumiy nomi.