Inson va tuproq” kitobi “Jayron” ekologik markazi

Ohangaron daryosi- Toshkent viloyatidagi daryo. Daryo Chatqol va Qurama togʻ tizmalaridan oqib tushadigan soylardan hosil boʻladi. Uzunligi 236 km (Oqtosh-soyning boshlanish yeridan), havzasining maydoni 7710 km². Chovlisoy quyilgan yerdan Turk qishlogʻiga qadar daryo Ohangaron platosini kesib oʻtgan tor daradan oqadi. Daraning chuqurligi 250 m (daryoning bosh qismida). Yakkaarchasoy quy-ilgan joyida 800 m. Daryo vodiysi juda tor. Turk qishlogʻiga qadar daryoning nishabi katta. Shu joydan vodiy keskin kengayadi, Obliq qishlogʻi yaqinida uning kengligi 700 m, Ohangaron shahri yaqinida 4–5 km. Vodiy yon bagʻirlari yotiq, soylik va jarliklar uchraydi. Ohangaron shahridan oʻtgach, daryo kengligi 8 km li vodiyda oqa boshlaydi. Ohangaron daryosi qor va yomgʻirdan toʻyinadi. Aprel—iyunda suvi koʻpayadi, eng koʻp suv sarfi may oyida, suvining 51% shu oylarda oqadi. Ohangaron daryosining irmogʻi juda koʻp, yiriklari: Arashon, Yertoshsoy, Toshsoy, Dukantsoy, Qorabovsoy, Oqchasoy, Nishboshsoy, Objazsoy, Gushsoy. 1962 yilda Ohangaron daryosining quyi oqimida "Toshkent dengizi" deb nom olgan Toshkent suv ombori, 1989-yilda Ohangaron suv ombori qurilgan. Daryodan Tanachibuqa va Yordon kanallari chiqarilgan.

Okean- materiklarni bo`lib turuvchi yirik suv havzalaridir. Yer sharining katta qismi suvliklardan tashkil topgan. Suvliklarning eng ko`p qismini okeanlar tashkil etadi. Tinch, Atlantika, Hind va Shimoliy muz okeanlari bor. Okeanlarning eng chuqur qorong`u joylarida ham hayvonlar yashaydi. Ularning ayrimlari tanasidan nur taratsa, ayrimlarining og`zi juda ko`p bo`ladi. Okean suvlari juda sho`r bo`lib, bu suv iste`mol uchun butunlay yaroqsizdir. Okean tubi notekis bo`lib, unda tekisliklar, tepaliklar, jarliklar va hatto tog`lar ham bor. Ayrim orollar suv ostidagi vulqonlarning tepa qismlaridir.

Oktabr-(lotimcha October, octo — sakkiz degan ma`noni bildiradi) — Grigoriy taqvimida yilning 10-oyi. Oktabr 31 kundan iborat. Qad. Rim kalendarida yilning 8-oyi.