Zarur kasbiy tayyorgarlikning
INNOVATSIYA 2021: DOLZARB MUAMMOLAR VA ZAMONAVIY YECHIM
315
yoʻqligi sababli huquq ijodkorining kasbiy mahoratining yetarli emasligi
zamonamizning dolzarb muammolaridan biridir.
Huquqni vosita sifatida koʻrib
chiqish norma ijodkorlari oldiga juda murakkab vazifa – yuridik texnika qoidalari
nuqtai nazaridan mukammal, ob’yektiv qonuniyatga mos keladigan va davlatning
yagona qonunchilik siyosatiga mos boʻlgan normativ-huquqiy hujjatlarni ishlab
chiqishni qoʻyadi. Biroq, bularning barchasiga qaramay, amaldagi qonunchilik
qonunlar – eng muhim normativ-huquqiy hujjatlarni qabul qiluvchi deputatlar uchun
hech qanday malaka talablarini belgilamaydi. Huquqiy savodxonlik muammosi
qonunchilik hokimiyati a’zolariga nisbatan ham dolzarbdir. Kerakli bilimlarning
yetishmasligi (xususan, yuridik texnika talablari), yuridik atamalarni yaxshi
bilmaslik, normativ-huquqiy hujjat matnini ishlab chiqishda mantiq qonunlari va
lingvistik qoidalarni qoʻllash qobiliyatining yetishmasligi normativ-huquqiy
hujjatlarda nuqsonlarning mavjudligi, ularni talqin qilishning noaniqligi va
normalarni qoʻllashdagi muammolarga olib keladi. Zamonaviy huquqiy tartibga
solish mavhum xarakterga ega va bu norma ijodkorligining vazifasini sezilarli
darajada murakkablashtiradi, chunki normaning toʻgʻri va mantiqiy hamda uning
ostidagi barcha xususiyatlarni qamrab oluvchi va, ayni paytda aniq chegaralarga ega
boʻlgan doirasini aniqlash juda murakkabdir.Sub’yektiv sabablarni bartaraf etish
doirasida qonunchilikning normativ-huquqiy hujjatlarga qoʻyiladigan yuridik texnika
talablarini oʻz ichiga olgan qoidalarini takomillashtirish, huquq ijodkorligining
huquqiy savodxonligini oshirish boʻyicha chora-tadbirlarniqayta koʻrib chiqish,
normativ-huquqiy hujjat loyihasini ishlab chiqishda aholi manfaatlarini majburiy
hisobga olish yoʻl-yoʻriqlarini aniq belgilagan zarur.
Xulosa sifatida shuni ta’kidlash lozimki, normativ-huquqiy hujjatlardagi
nuqsonlarning sabablarini oʻrganish ushbu nuqsonlarni oldini olish, aniqlash va
bartaraf qilish boʻyicha chora-tadbirlarni rejalashtirish va amalga oshirishda juda
katta ahamiyatga ega. Aks holda, biz nuqsonni ob’yektiv mavjud salbiy hodisa
sifatida bartaraf qilish haqida emas, balki faqat uning tizimli natija bermaydigan
oʻziga xos tashqi koʻrinishini bartaraf qilishga urinish, ya’ni qonunchilik sifatini
yaxshilash haqida bahslashayotgan boʻlamiz.
INNOVATSIYA 2021: DOLZARB MUAMMOLAR VA ZAMONAVIY YECHIM
316
Do'stlaringiz bilan baham: |