Ingliz tili ming yillik tarixga EGA

Mavzuning dolzarbligi. Ingliz tili ming yillik tarixga ega. Bu vaqt ichida unda insonlar tomonidan chiroyli deb e’tirof etilgan katta miqdordagi iboralar yig’ilib kelmoqda. Xuddi shunday tilda o’ziga xos qatlam, mustaqil ma’noga ega bo’lgan turg’un iboralar uyg’unligi bo’lgan frazeologiya ham yuzaga kelgan. Ma’lumki ingliz tilini o’rganish mamlakatimizda keng ommalashmoqda. Tilni puxta egallash ayniqsa ingliz tilini, uning frazeologiyasini bilmasdan turib amalga oshirib bo’lmaydi. Frazeologiyani bilish badiiy adabiyotni hamda publisistikani mutoola qilishni juda yengillashtiradi .Frazeologiyalarni o’z joyida, mutanosib ishlatish esa nutqni boyitadi. To’g’ridan-to’g’ri tarjima qilib bo’lmaydigan ko’chma ma’noda beriluvchi frazeologik iboralar yordamida tilning estetik aspekti kuchayadi.Idiomalar yordamida xuddi ranglarning turli turlari yordami kabi tilning informatsion aspekti dunyomizning xayotimizning hissiy intulitiv tasviri bilan to’ladi. Zamonaviy ingliz tilining frazeologiya dunyosi juda keng va turli-tuman va uning har bir aspektini tadqiq etish shak- shubxasiz alohida e’tiborga loyiqdir. Bitiruv malakaviy ishining maqsad va vazifalari. Ushbu ishning maqsadi xozirgi zamon ingliz tili badiiy adabiyotlardan olingan frazeologik birliklarni tadqiq etishdir. Hamda zamonaviy ingliz tilini birliklariga struktur semantik va grammatik xarakteristika berishdir. Frazeologiyaning bu aspektini tadqiq etish o’ziga xos ma’noga ega bo’lib, zero frazeologizmlarning katta qismi ingliz va boshqa tildagi badiiy adabiyot manbalarida uchraydi va ba’zi frazeologik birliklar o’zining birlamchi shaklini saqlab qolgan.O’zlashtirish ingliz frazeologiyasi to’ldirishining asosiy manbalaridan biri xisoblanadi. Asosan ko’p miqdorda o’zlashtirish ingliz adabiyotidan amalga oshirilgan. Bundan tashqari lotin, fransuz,grek,ispan, italyan va boshqa tillar adabiyotidan o’zlashtirishlar ham aloxida uchraydi. ’’Frazeologizmlarni etimologik tomonini tadqiq etish u yoki bu frazeologik ibora o’zlashtirilgan xalqning madaniyati va turmush tarzini anglashda juda katta yordam beradi’³[П Р]. Ingliz tilini xorijiy til sifatida o’rganuvchilar uchun tilning bu qatlamini o’zlashtirish katta qiyinchilik tug’diradi ammo frazeologizmlarni o’zlashtirgach biz inglizlar kabi gapirishni boshlaymiz,ularni yarim so’zidanoq tushunamiz, bizning nutqiy tayyorgarligimiz tezda o’sadi. Biz o’z fikrimizni qisqa va juda aniq ifoda etamiz uning ifodasi to’g’riligiga ishonchimiz komil bo’lgan holda. Ko’p hollarda ingliz frazeologizmlarini yaxshi bilish o’zbek tilidan ingliz tiliga so’zma-so’z tarjima qilishda beqiyos yordam beradi. Ishda hozirgi zamon ingliz tilidagi frazeologik birliklarni xarakteristikasini va o’zlashtirilgan frazeologik birliklarga misollar orqali namayon etishga urinish bo’ldi.