Informatsion-psixologik kurashlarning vijudga kelishi va ahamiyati Reja

Psixologik qarshi kurash doiralarida bir qator o‘ziga xos yo‘nalishlar mavjudligini ta’kidlab o‘tmoq darkor. Bunday yo‘nalishlar jumlasiga:
- millat va qurolli kuchlarning ma’naviy-ruhiy qudratini harbiy vazifalarni hal etishga safarbar etib, maqbullashtirish;
- dushman tomonidan parokandalikka (ma’naviy inqirozga) olib keladigan informatsion-psixologik ta’sirdan mamlakat aholisi va qurolli kuchlar shaxsiy tarkibini himoya qilish (jumladan; raqibga psixologik qarshi ta’sir o‘tkazish; qo‘shinlarni psixologik jihatdan himoya qilish, shaxsiy tarkib orasida qarshi tashviqot o‘tkazib, psixologik muhofaza tadbirlarini olib borish);
- dushman aholisini fikr-mulohazalardan chalg‘itish, qo‘shinlar intizomi va jangovar ruhiga putur etkazish, ular orasida tartibsizlikni keltirib chiqarish maqsadlarida dushmanga psixologik ta’sir o‘tkazish (psixologik qarshi kurash olib borish);
- do‘stona va betaraf tomonlarning (xususan: mamlakatlar, muayyan ijtimoiy guruhlar va qurolli tuzilmalarning) qarashlari, kayfiyati va xulq-atvoriga dushman ustidan g‘alaba qozonish uchun qulay shart-sharoitlar yaratish manfaatlarida ta’sir o‘tkazib borish kiradi.
Tinchlik davrida ham, urush davrida ham amalga oshiriladigan qisqa muddatli yoki tor maqsadli informatsion-psixologik xatti-harakatlar (tadbirlar) – psixologik operatsiya (PsO) atamasi bilan talqin qilinadi.
Bugungi harbiy fanda informatsion-psixologik ta’sir:
a) dushman tomonidan o‘tkaziladigan psixologik operatsiyalarga qarshi kurash olib borib, qo‘shinlarni bunday operatsiyalar ta’siridan himoya qilish;
b) psixologik qarshi kurash (dushman qo‘shinlari hamda adovatli, do‘stona va betaraf davlatlar aholisining ongiga ta’sir o‘tkazish ya’ni, xorijiy mutaxassislar tavsifida psixologik operatsiya deb tasniflanadigan tadbirlarni amalga oshirib borish) yo‘nalishlariga farq qiladi.
So‘nggi yillarda amalga oshirilgan harbiy tadbirlar jarayonida muvaffaqiyatli o‘tkazilgan informatsion-psixologik kurash tajribalari shundan dalolat bermoqdaki, har qanday harbiy tadbir yaxlit informatsion-psixologik tizim bilan uyg‘unlashtirilib, yagona rejaga asosan, vaziyat taqozo etgan darajada olib borilgandagina yuqori samaraga ega bo‘ladi.