Informatikani o’qitish texnologiyalari va loyihalashtirish” fanidan kurs ishi mavzu:” Kompyuterli testlar yordamida o’quvchilar bilimini nazorat qilishni loyihalashtirish” chirchiq – 2022

Kurs ishining maqsadi: Test asosida o’quvchilarni informatika fanidan bilimini nazorat qilish.
Kurs ishining obyekti: O’quvchilarning bilimlarini nazorat qilishni tashkil qiluvchi dasturlar : ISpring, QuizMaker, My test, Hot Potatoes va boshqalardir. Bu dasturlardan uchtasining tahlili shuni kо‘rsatadiki, o’quvchilarda intellektual kо‘nikmalarni rivojlantirishda dasturlarning imkoniyati kо‘proq bо‘ladi
Kurs ishining predmeti: O’quvchilarning bilimlarini nazorat qilishning avtomatlashtirilgan tizimiga multimediali dasturiy vositalarni kiritish.

KIRISH

Respublikamizda ta’lim-tarbiya tizimini yanada takomillashtirish davlat siyosati darajasiga ko‘tarilganligi ta’lim tizimi sifatini yuqori saviyaga olib chiqishni talab etmoqda. Uzluksiz ta’lim tizimida “Informatika” fani o‘qituvchisi faqatgina fan o‘qituvchisi emas, balki ta’limda va boshqaruvda axborot texnologiyalaridan foydalanishning samarali tashkil etuvchisi bo‘lib hisoblanadi.

Axborot hajmining keskin kengayib borayotganligi o‘quvchilar chun ham, pedagoglar uchun ham fanni o‘rganishda innovatsion pedagogik texnologiyalardan foydalanishni taqozo etadi. “Informatika” ta’limi jarayonida turli-tuman pedagogik texnologiyalardan foydalanib, samarali natijaga erishish uchun o‘qituvchi o‘zining pedagogik faoliyatini oldindan loyihalashtirishi maqsadga muvofiq hisoblanadi. Shuni hisobga olgan holda biz informatika o‘qituvchisining pedagogik faoliyatini bir butun model ko‘rinishiga keltirib oldik.
Informatikani o‘qitishda foydalaniladigan texnologiyalar xilma-xil bo‘lib (o‘quvchilar bilimini nazorat qiluvchi texnologiyalar), kurs ishida bu texnologiyalar informatikani o‘qitish misolida batafsil yoritib berilgan.
Informatikani o‘qitish jarayonida ta’lim jarayonini loyihalashtirish muhim vazifa hisoblanib, o‘qituvchining innovatsion pedagogik faoliyatni loyihalashtirishi natijasida o‘quv jarayonini, bilimlarni nazorat qilish va baholashni loyihalashtirish tushunchalarga ochib berilgan.