Informatika pánlerin oqıtıwda jańa pedagogikalıq texnologiyalarıdan paydalanıw

§1. Informatika pánlerin oqıtıwda jańa pedagogikalıq texnologiyalarıdan paydalanıw

Oqıtıw hám úyretiw, sonıń menen birge, ámeldegi múmkinshilik hám sharayatlardan ónimli paydalanıw ushın juwapker shaxs esaplanadı. Bul wazıypanı orınlaw ushın oqıtıwshı oqıtıw procesi hámde oqıtılatuǵın pánlerdiń ilimiy hám texnikalıq táreplerin tolıq biliwi kerek. Bunnan maqset, oqıtıw usılı sonday jolǵa qóyılsın, bunda oqıwshılar oqıtılıp atırǵan pándı tolıq ózlestire alıwsin. Oqıtıw usıllarınń oqıwshılar talabına sáykes keliwin anıqlawda oqıtıwshı óz programmasınıń tómendegi altı tiykarǵı strukturalıq bólegin esapqa alıwı zárúr:

1. Joybarlaw

2. Múmkinshilik hám sharayatlar

3. Usıllar

4. Xızmetler

5. Teris baylanıs

6. Qadaǵalaw

Oqıtıw usılın anıqlaw jollarınan biri bul joqarıda keltirilgen altı belginiń hár birine tiyisli bolǵan sorawlar dizimin dúziw bolıp tabıladı. Atap ótiw kerek, hár bir strukturalıq bólim talaplarınıń tolıq atqarılıwın támiyinlew hámde oǵan ámel etiw saylanǵan oqıtıw usılınıń natiyjeliligin asıradı.

Joybarlaw

Oqıtıw usılı tómendegilerdi óz ishine aladı, yaǵnıy:

- ilmiy tájriybeler hám gózlengen tiykarǵı maqsetler analizi;

- gruppa quramı;

- zárúr bolǵan ilmiy tájriybeler;

- úyreniliwi kerek bolǵan pánler;

- úyreniwge ruhlandırıwshı faktorlar;

- úyreniw túrleri hám múmkinshilikleri;

- jumıs tájiriybesi jáne onıń dáwirge sáykesligi;

- gruppa aǵzalarınıń tájiriybelerinen paydalanıw hám tájiriybe almasıw;

- mashqalalardi anıqlaw hám sheshimlerdi tabıwda tájiriybelerdi ulıwmalastırıw zárúrligi;

- oqıw materialın usınıw usıllarına bolǵan mútajlik;

- shártnama yamasa oqıtıw rejimin oqıwshılar menen kelisiw zárúrligi;

- kursdı tamamlaǵanlıǵı haqqındaǵı hújjet yamasa gúwalıqqa bolǵan mútajlik.