Informatika. 5-sinf

Usul:Baxs – munozara, “To‘r” usuli
Vosita:Axborotli kodlash bo‘yicha rasm, sxema, matn, jadvallar,maxsus plakatlar, o‘quvchilar bilimini baholash uchun savollar ketma-ketligi hamda tarqatma material, kartochkalar.
Nazorat:og‘zaki nazorat, savol-javoblar, kuzatish.
Baholash:Rag‘batlantirish, yangi amalga kiritilgan reyting tizimi asosida baholash.

O‘quvchida shakllantirilishi lozim bo‘lgan kompetensiyalar

Elektron vositalarda axborotni yig‘ish, qayta ishlash kompetensiyasi: Axborotlarni kodlash usullarini bilish, axborot ko‘rinishi hususiyatlarini bilish, axborotlarni tanqidiy tahlil qilish. Axborot tushunchalari asosida mustaqil axborotni kodlay olishni bilish. Kommunikativ kompetensiya.

Kutiladigan natijalar

O‘qituvchi: Mavzularni belgilangan vaqt ichida o‘quvchilar tomonidan o‘zlashtirilishiga erishiladi. Dars jarayonida o‘tilayotgan mavzuning xususiyatiga bog‘lik holda o‘quvchilarning o‘z hayotida kuzatgan va tajribada ishlatgan fakt, narsa va hodisalardan misollar keltirib, darslarda o‘quvchilarda ilmiy qarashlar va e’tiqodlar hosil qilinadi. O‘quvchilarda fanga nisbatan qiziqish uyg‘otadi. Bir mashg‘ulot davomida barcha o‘quvchilarni baholaydi. O‘z oldiga qo‘ygan maqsadlariga erishadi. O‘quvchi: Yangi bilimlarni o‘zlashtiradi. Fakt yoki tushunchalarni tahlil qilish hamda xulosalar chiqarishni, materialni izchillik bilan bayon qilish ko‘nikmasiga ega bo‘ladi.

Kelgusi rejalar (tahlil, o‘zgarishlar)

O‘qituvchi: Yangi pedagogik texnologiyalarni o‘z faoliyatiga moslashtirish va o ‘tilayotgan mavzuning talabiga muvofiq ancha ilgari o‘tilgan mavzularni qayta esga tushirish, bayon etilgan materialni qaytarish va mustahkamlashga bog‘liq pedagogik mahoratini oshirish. O‘quvchi: Uyga berilgan topshiriq va mustaqil o‘rganilgan materiallarni amalda foydalanishni o‘rganadi. Fikrlarni jamlab, bir fikrga kelish malakasiga ega bo‘ladi.