Informaciyalíq texnologiyalarí HÁm kommunikaciyalarín rawajlandíRÍw ministrligi

ÓZBEKISTAN RESPUBLIKASÍ
INFORMACIYALÍQ TEXNOLOGIYALARÍ HÁM KOMMUNIKACIYALARÍN RAWAJLANDÍRÍW MINISTRLIGI

MUXAMMED AL-XOREZMIY ATÍNDAǴÍ

TASHKENT INFORMACIYALÍQ TEXNOLOGIYALARÍ UNIVERSITETI NÓKIS FILIALÍ

“TELEKOMMUNIKACIYA TEXNOLOGIYALARÍ HÁM KÁSIPLIK TÁLIM”

fakulteti
“TELEKOMMUNIKACIYA TEXNOLOGIYALARÍ” baǵdarı
3-kurs student


Umarova Gulbaxar Baqbergen qızınıń
INDIVIDUAL JOYBARÍNÍŃ
1-bólim


ESABAT JUMÍSÍ
Tema: Aqıllı shyotka yamasa aqıllı úy tazalaǵıshı.

Tayarlaǵan _____________ G.Umarova
Qabıllaǵan ______________ A. Karimova

Nókis-2021

Tema: Aqıllı shyotka yamasa aqıllı úy tazalaǵıshı
Joba:
I. Kirisiw
II. Tiykarǵı bólim
II.I. Aqıllı úy tazalaǵıshlardıń payda bolıw hám rawajlanıw tarıyxı
II.II. Aqıllı shyotkanıń boljanǵan kórinisi hám kerekli komponentler dizimi
II.III. Kerekli komponentler
II.IV. Joybardıń orınlanıw barısı
III. Juwmaq
IV. Paydalanılǵan ádebiyatlar

I. Kirisiw
Insaniyat bárhá qozǵalısta boladı. Bul bolsa óz náwbetinde hár túrli pataslıqlarǵa sebep bolıwı múmkin. Biraq bárhá da adamlardıń bul pataslıqtı joq etiwge shaması kele bermeydi. Geyde basqa da jumıslar sebepli waqıtı bolmasa, geyde imkaniyatı sheklengen bolıwıda múmkin. Bul degeni bul joybar hámme ushın bir dey kerek hám paydalı!
Insaniyattıń kúndelikti turmısındaǵı mayda biraq kóp ushıraytuǵın mashqalalardı avtomat túrde sheship beretuǵın aqıllı qurılmalardı jaratıw 1905-jılı portativ shańjutqısh hám 1907-jılı islep shıǵarılǵan elektr kir juwıw mashinasınan baslanǵan. Eń dáslepki qurılmalar kólemi jaǵınan júda úlken bolǵan. Bul bolsa óz náwbetinde olardı paydalanıwda bir qansha qolaysızlıqlardı keltirip shıǵarǵan. Biraq texnikanıń rawajlanıwı menen búgingi kúnde olar bir qansha ıqsham kóriniske keldi.
Avtomat yamasa aqıllı úy tazalaǵıshlar biz ushın jańalıq emes, lekin olardıń barlıǵı ulıwmalıq mashqalaǵa iye. Yaǵnıy olardıń hámmesi islep atırǵan jumısı ushın júda qımbat. Bul joybardıń eń birinshi abzallıq tárepide sol, yaǵnıy ol ápiwayı xalıq ushın qol jetimli boladı. Bul robot bahası jaǵınan arzan boladı hám ol ózine biriktirilgen ultrasonic sensor járdeminde aldındaǵı tosıq hám buyımlardı anıqlaydı jáne de pútkil bólmeni tazalap bolmaǵanǵa shekem háreket etiwdi dawam etedi. Oǵan poldı tazalaw ushın kishi shyotka biriktiriledi.
Bul esabatta siz joybar haqqında dáslepki maǵlıwmatlarǵa iye bolasız. …