Industrial iqtisodiyot

Mashinasozlik va metallni qayta ishlash sanoati
- iqtisodiyot uchun mashina 
va mexanizmlar, jihozlar, agregat va apparatlar, asbob-uskunalar, madaniy-maishiy 
mollar, shuningdeq mudofaa ahamiyatiga ega bo’lgan mahsulotlar ishlab 
chiqaruvchi og’ir sanoat tarmoqlari majmuidir. Ushbu sanoat butun xalq xo’jaligini 
texnika bilan ta’minlashda moddiy asos hisoblanadi. Fan-texnika taraqqiyoti, 
xalqning moddiy-madaniy farovonligi va mamlakat qudrati mashinasozlik sanoati 
taraqqiyotiga bog’liq. Uning ahamiyati, eng avvalo, fan-texnika yutuqlarini ishlab 
chiqarishga va insonlar hayotining barcha sohalariga joriy etish asosida qo’l 
mehnatini mashina mehnatiga aylantirish, engillashtirish, mashinani mashina bilan 
3
Каримов И.А. Сурхондарё вилояти Кенгашининг навбатдан ташқари сессиясидаги нутқи / Халқ сўзи, 
2013, 21 декабрь 

---

yaratish, tejamkorlikni ta’minlash va mehnatning mazmuni va xarakterini 
o’zgartirishdan iborat. Mashinasozlik sanoati mahsulot sifatini yaxshilash, ishlab 
chiqarishning samaradorligini yuqori darajaga ko’tarishga imkoniyat yaratadi.
Mashinasozlik va metallni qayta ishlash sanoati respublika sanoat tarmoqlari 
orasida yuqori o’rinlarda turadi (4-jadvalga qarang). O’sish sur’atlari bo’yicha ham 
bu tarmoq yuqori o’rinni egallaydi. Bu holatni 8-jadvalda keltirilgan 
ma’lumotlardan ko’rish mumkin