Ilmiy rahbar: aytimbetov n. Bajardi: abdullayeva f

III. XULOSA

Tabiat hamma vaqt o’z tarovati, husni va g’ayritabiiy hodisalari bilan insonlarni o’ziga jalb qiladi. Kurs ishi mavzuyimni yoritish jarayonida tabiatdagi hodisalar o’z-o’zidan yuz bermasligini har bir tabiatdagi optik hodisalari ortida qanchadan-qancha olimlarhodisani yuz berish sabablarini o’rganish ustida ish olib borganlarini o’rgandim. Hozirgi kun talablarini hisobga olgan holda yoshlar faqat darsliklardagi bilimlarga tayanib qolmasdan, kengroq fan yuzasidan mustaqil shug’ullanishlariga undash, ko’proq kitob o’qish hamda fandagi o’zgarishlar, ilmiy tadqiqotlar, yangiliklardan bohabar bo’lishga intilishlari kelajakda yetuk mutahassis bo’lishga qo’yilgan ilk qadam hisoblanadi. Shunday ekan atrofimizga befarq bo’lmasdan har bir voqea hodisani ilmiy tahlil qila oladigan va fikr bildira oladigan darajada bilimli, zukko yoshlargina jahonda raqobatbardosh kadrlar bilan tenglasha oladi. Har bir soha shu yo’sinda rivojalnadi. Masalan, har qadamda uchraydigan jarayonlar, hodisalarga xoh u tabiiy bo’lsin, xoh sun’iy bo’lsin biz bo’lajak fizik sifatida ilmiy jihatda, fizik jihatdan hodisani tahlil qila olishimiz va amliyotda ko’rsatib bera olishimiz kerek. Fizika fani shundagina rivojinilanadi. Fanni yoki fan yuzasidan hodisani o’rganish hodisa evolyutsiyasidan boshlanadi. Yer yaralibdi-ki, unda ma’lum bir tabiiy muhit o’z hukmini o’tkazib kelmoqda. Xususan, yerda ilk bor suv muhiti, undan so'ng qurg'oqchilik muhiti avj olgan. Bu holat bir necha asrlar davomida sodir bo'lgan. Shu bugungacha bo'lgan vaqt davomida ona tabiatimiz o'zining turfa sirlarini insoniyat tominidan ocha boshladi. Tabiat insoniyatga berilgan mukofot deya ta’riflashlari bejizga emas. Umuman olganda insoniyat ham tabiatning bir qismi hisoblanadi. Tabiat insonlarni hayotida katta ahamiyat kasb etadi. Tabiat ne’matlari hisobiga insoniyatda tiriklik zanjiri harakatlanadi. Ibtidoiy davrlardanoq insoniyat tabiat hodisalariga befarq bo’lmaganligi, o’sha davrlar hayoti haqida yozilgan ilmiy manbalardan, hatto diniy manbalardan ko’rishimiz mumkin. Yuqoridagilardan quyidagi xulosaga keldik, fizikani o’rgatishda olimlarning izlanishlariga tayangan holda va tajribalar, hayotiy misollar va yangicha metodlardan foydalansak, o’quvchilar mavzuni tushunishiga birmuncha yordam bergan bo’lamiz.