Илмий тадқиқот асослари: 1000 саволга 1000 жавоб тошкент–2019

893 - САВОЛ: 
МАҚСАДГА ЭРИШГАНЛИКНИ БАҲО-
ЛАШ ДЕГАНДА НИМАНИ ТУШУНАСИЗ? 
ЖАВОБ: Мақсадга эришганликни баҳолашда кўпчилик 
ҳолларда мақсад функцияси ишлаб чиқилади. 
Педагогик тадқиқотларда одатда мақсад функцияси таълим-
тарбияга оид сифат даражаси, самарадорлик ҳамда уларнинг 
мониторингига боғлиқ кўрсаткичлари асосида ишлаб чиқилади. 
Ишлаб чиқилган мақсад функцияси кўрсаткичлари асосида 
мақсадга эришганлик кўрсаткичларини баҳолашга киришилади. 
Шунингдек, мақсадга эришганликни баҳолашни статистик 
методлар орқали ҳам амалга ошириш мумкин. 
КЎРСАТМА: Маълумки, мақсадга эришиш белгиланган режа 
асосида олиб борилади ва шу асосида мақсад сари ҳаракатлар 
бошланади. Бунда ҳаракат жараёни мониторинги муҳим роль 
ўйнайди. Бунга сабаб мониторинг орқали ушбу жараёндаги 
ҳаракатларнинг бориши мунтазам равишда назорат қилиб борилади 
ва керакли жойларда ростлаш ишлари амалга оширилади. 
894 - САВОЛ: 
МАҲСУЛДОР ФАОЛИЯТ ДЕГАНДА НИ-
МАНИ ТУШУНАСИЗ? 
ЖАВОБ: Маҳсулдор фаолият – бу инсоннинг бирор жараён 
бўйича иш бажариш фаолиятида доим дуч келадиган янгилик ёки 
янги ахборотлар (янги объектлар, ҳодисалар, жараёнлар, фаолият 
методлари) натижасида вужудга келган маҳсул. 
Фаолиятлар маҳсулдор ва номаҳсулдар турларга бўлинади. Ҳар 
икки фаолият ҳам мустақил равишда ёки ташқаридан кўрсатилган 
таъсир ёрдамида бажарилади.
КЎРСАТМА: Таълим олувчиларнинг ўқув материалини 
ўзлаштириш фаолияти қуйидагидек тўрт даражага бўлинади: 
Биринчи даража – бу ташқи кўрсатма таъсиридаги ҳаракат. Бунга 
фаолиятнинг танишув даражаси дейилади. 
Иккинчи даража – бу хотира асосидаги ҳаракат. Бу фаолиятни 
алгоритмик даража дейилади. 
Учинчи даража – бу ностандарт вазифалардаги маҳсулдор 
ҳаракат. Бу фаолиятнинг эвристик даражаси дейилади. 

---

563 
Тўртинчи даража – бу фаолиятнинг янги қирраларини тадқиқ 
қилувчи маҳсулдор ҳаракат. Бу фаолиятнинг ижодий даражаси 
дейилади.