Илмий тадқиқот асослари: 1000 саволга 1000 жавоб тошкент–2019

980 - САВОЛ: 
ДИССЕРТАЦИЯНИНГ РАСМИЙ ҲИМОЯСИ 
ҚАЧОН БЎЛАДИ? 
ЖАВОБ: Диссертациянинг расмий ҳимояси санаси олий таълим 
муассасаси ректори буйруғи билан тасдиқланган жадвалга мувофиқ 
белгиланади. 
КЎРСАТМА: Диссертация расмий ҳимояга тақдим этил-
ганликдан сўнг унга ўзгартириш ва қўшимчалар киритишга рухсат 
берилмайди. 
981 - САВОЛ: 
ДИССЕРТАЦИЯНИ БАҲОЛАШ ҚАНДАЙ 
АМАЛГА ОШИРИЛАДИ? 
ЖАВОБ: Расмий ҳимояга Давлат аттестацияси комиссия-
сининг ҳар бир аъзоси магистрантни қуйидаги мезонлар асосида 
баҳолайди: 

диссертация мавзусининг долзарблиги, ундаги масалалар-
нинг аниқлиги ҳамда уларнинг мавзуга алоқадорлиги; 

диссертация мавзусини очиб беришда ҳамда улардаги 
масалаларни ҳал қилишда магистрантнинг мустақил ёндашуви; 

---

611 

диссертацияни ёритишда фойдаланилган илмий адабиётлар, 
илмий нашрлар, меъёрий-ҳуқуқий ҳужжатлар, стандарт маълу-
мотлар, шунингдек, чет тилдаги манбаларни танқидий таҳлилининг 
тўлиқлиги ва чуқурлиги; 

диссертациянинг мақсади, ундаги масалалар ва фаразларни 
шакллантиришда назарий ёндашувларнинг ишлатилиш даражаси; 

диссертациядаги масалаларни ҳал қилишда сифат ва миқдорий 
тадқиқот усулларидан фойдаланишнинг асосланганлиги ҳамда 
фойдаланилган тадқиқот усуллари имкониятлари ва чегараларининг 
танқидий таҳлили;

магистр томонидан йиғилган ва шакллантирилган бирламчи 
ҳамда иккиламчи маълумотларнинг ҳажми ва янгилик даражаси, 
уларнинг диссертациядаги масалаларга мослигининг танқидий 
таҳлил;

магистр томонидан тўпланган ва шакллантирилган маъ-
лумотлар асосида олинган натижаларнинг диссертацияга мослиги, 
ишончлилиги ва қўлланиши соҳаларининг мавжудлиги ва шу 
кабилар. 
КЎРСАТМА: Диссертацияни баҳолашда юқоридаги кўрсаткич-
ларга қўшимча равишда қуйидаги кўрсаткичлар бўйича ҳам 
баҳоланади ва уларнинг йиғинди натижалари асосида (100 баллик 
тизимда) умумий баҳо қўйилади: 

олинган натижалар асосида ишлаб чиқилган тавсияларни 
диссертациянинг назарий қисмига алоқадорлиги ҳамда мақсад ва 
вазифаларига мослиги; 

диссертациянинг илмий янгилиги даражаси ва унинг 
натижаларининг маҳаллий ҳамда халқаро амалиётдаги аҳамияти; 

тадқиқот натижаларини ривожлантириш истиқболларини 
магистрнинг моҳиятан тушуниб етганлиги; 

диссертация ёзилишида назарий ва амалий қисмларнинг ўзаро 
мантиқий боғлиқлиги ва тизимлилиги. 
Расмий ҳимояда Комиссия аъзолари томонидан магистрнинг 
илмий мунозара олиб бориши ҳамда аудитория билан ишлаш 
маданияти даражаси ҳам ҳисобга олинади. 

---

612