Илмий тадқиқот асослари: 1000 саволга 1000 жавоб тошкент–2019

972 - САВОЛ: 
ДИССЕРТАЦИЯНИНГ КИРИШ ҚИСМИДА 
НИМАЛАР БАЁН ҚИЛИНГАН БЎЛАДИ? 
ЖАВОБ: Диссертациянинг кириш қисми қуйидагиларни ўз 
ичига олиши мумкин: 

диссертация мавзусининг асосланиши ва долзарблиги; 

тадқиқот объекти ва предметининг белгиланиши; 

тадқиқот мақсади ва вазифалари; 

тадқиқотнинг асосий масалалари ва фаразлари; 

мавзу бўйича қисқача адабиётлар таҳлил; 

тадқиқотда қўлланиладиган услубларнинг қисқача тавсифи; 

---

607 

тадқиқот натижаларининг назарий ва амалий аҳамияти; 

тадқиқотнинг илмий янгилиги; 

диссертация таркибининг қисқача тавсифи. 
КЎРСАТМА: Диссертациянинг кириш қисмига диссертация иши 
бўйича олинган натижаларнинг илмий омма орасидаги муҳокамалари 
ҳақидаги маълумот, ҳимояга олиб чиқиладиган ҳолатлар, 
диссертациянинг боблари ва хулосалари ҳақида, иловалар бўйича, 
таркибий қисмлари ҳақидаги маълумотлари ҳам киритилса янада 
яхши бўлар эди. 
 
973 - САВОЛ: 
ДИССЕРТАЦИЯНИНГ АСОСИЙ ҚИСМ-
ЛАРИ ҲАҚИДА ҚАНДАЙ ФИКРДАСИЗ? 
ЖАВОБ: Диссертациянинг асосий қисми камида 3 бобдан иборат 
бўлиб, бунда тадқиқот масалалари тўлиқ ёритилади. Асосий қисмнинг 
боблари ҳажми жиҳатидан ўзаро мутаносиб бўлиши ва 
қуйидагиларни ўз ичига олиши лозим: 

тадқиқот мавзуси бўйича бошқа манбаларда келтирилган 
назарий, амалий ва эмпирик тадқиқотлар натижаларининг танқидий 
таҳлилини; 

тадқиқотчи томонидан олиб борилган таҳлилий ишларнинг 
тавсифи, тадқиқот олиб боришда қўлланилган услублар ҳамда 
тадқиқот воситаларининг баёнини; 

тадқиқот натижалари ва уларнинг маҳокамасини ва шу 
кабиларни. 
КЎРСАТМА: Диссертацияда тадқиқотчининг таълим, фан, 
маданият, техника, иқтисодиёт, ижтимоий ёки бошқа соҳаларнинг 
долзарб муаммоларини ҳал этишга қўшган шахсий ҳиссаси ҳам 
ёритилиши керак.