Илмий тадқиқот асослари: 1000 саволга 1000 жавоб тошкент–2019

974 - САВОЛ: 
ДИССЕРТАЦИЯНИНГ ХУЛОСА ҚИС-
МИДА НИМАЛАР БАЁН ҚИЛИНАДИ? 
ЖАВОБ: Диссертациянинг хулоса қисмида барча қисмларда 
баён этилган тадқиқот натижалар унинг илмий ва амалий 
аҳамияти, тадқиқот муаммосининг ечими кўрсатилиши лозим. 
КЎРСАТМА: 1. Диссертациянинг хулоса қисми 4 бетдан 
ошмаслиги керак. 

---

608 
2. Диссертациянинг хулосасида асосан, олиб борилган илмий 
тадқиқот иши бўйича қўлга киритилган натижалар ўз ифодасини 
топади. Бу айниқса, диссертацияни тайёрлашдаги муаммо мақсади, 
вазифалари ва диссертация бўйича илмий янгиликлар ҳамда ҳимояга 
олиб чиқиладиган ҳолатларни ўзида акс эттирса яна ҳам яхши 
бўлади. 
975 - САВОЛ: 
ДИССЕРТАЦИЯНИНГ ИЛОВАСИДА НИ-
МАЛАР КЕЛТИРИЛАДИ? 
ЖАВОБ: Диссертациянинг иловаларида меъёрий ҳужжатлар 
(илмий тадқиқот иши натижаларини амалиётга жорий этиш 
тўғрисидагиги далолатнома ва маълумотлар, шунингдек, тажриба-
синов ишлари бўйича бошқа ҳужжатлар ҳамда патент, муаллифлик 
гувоҳномаси, ихтиролар ҳақида ҳужжатлар нусхалари) ва 
диссертация ҳажми чегараланганлигини эътиборга олиб иловага 
олиб чиқариладиган материаллар ҳам ўз ифодасини топади. 
КЎРСАТМА: 1. Диссертациянинг илова қисмига унинг мазмун-
моҳиятини тушуниш учун зарур бўлмаган, қўшимча сифатида 
қаралувчи маълумотлар киритилади. 
2. Илованинг ҳажми диссертация умумий ҳажмининг 1/3 (учдан 
бир) қисмидан ошмаслиги керак. 
 
976 - САВОЛ: 
ДИССЕРТАЦИЯДА ФОЙДАЛАНИЛГАН 
АДАБИЁТЛАР ҚАНДАЙ РАСМИЙЛАШ-
ТИРИЛАДИ? 
ЖАВОБ: Диссертацияда фойдаланилган адабиётлар рўйхати 
қуйидаги тартибда расмийлаштирилади: 
I. Ўзбекистон Республикаси қонунлари. 
II. Ўзбекистон Республикаси Президенти фармонлари ва 
қарорлари, Вазирлар Маҳкамасининг қарорлари. 
III. Ўзбекистон Республикаси Президентининг асарлари. 
IV. Асосий адабиётлар. 
V. Қўшимча адабиётлар. 
VI. Даврий нашрлар, статистик тўпламлар ва ҳисоботлар. 
VII. Интернет сайтлари. 

---

609 
КЎРСАТМА: Фойдаланилган адабиётлар рўйхати боблар 
бўйича ҳам келтирилиши мумкин ва ундаги келтирилган манбалар 
бобдан бобга ўтиш кетма-кетлигини йўқолмаган ҳолда рақамланади.