Илмий тадқиқот асослари: 1000 саволга 1000 жавоб тошкент–2019

986 - САВОЛ: 
МАГИСТР – БУ КИМ? 
ЖАВОБ: Магистр – лотинча “magister” – бошлиқ. 
Магистр – олий таълимнинг тегишли босқичига мувофиқ 
магистратура дастурларини муваффақиятли ўзлаштирган шахсга 
бериладиган академик даражаси. 
КЎРСАТМА: Магистр кўпгина ривожланган мамлакатларда 
олий ўқув юртида бериладиган академик даража бўлиб, у олий 
ўқув юртини тугатиб, барча назоратларни ижобий топширган ва 
магистрлик диссертациясини муваффақиятли ҳимоя қилган 
шахсга берилади. 
987 - САВОЛ: 
МАГИСТРАТУРА – БУ ҚАНДАЙ 
ТАЪЛИМ БОСҚИЧИ? 
ЖАВОБ: Магистратура – бу бакалавриат негизида ўқиш 
муддати камида икки йил бўлган аниқ мутахассислик бўйича 
олий таълим босқичи ва узлуксиз таълим тизимининг бир 
бўлаги. 
КЎРСАТМА: 1. Магистратура аниқ мутахассислик бўйича 
фундаментал ва амалий билим берадиган, бакалавриат негизида 

---

616 
таълим муддати камида икки йил давом этадиган олий 
таълимдир. 
2. Магистратура таълим дастурини тугатган битирувчиларга 
Якуний давлат аттестацияси натижаларига кўра таълим 
йўналишининг аниқ мутахассислиги бўйича “магистр” акаде-
мик даражаси тўғрисидаги давлат томонидан тасдиқланган 
намунадаги диплом берилади. 
988 - САВОЛ: 
МАГИСТРАТУРАДА ОХИРГИ БОСҚИЧ 
ДЕГАНДА НИМАНИ ТУШУНАСИЗ? 
ЖАВОБ: Магистратуранинг охирги босқичида тадқиқотчи 
жорий ва оралиқ натижалари бўйича кафедрадаги илмий, 
илмий-услубий семинарларда қатнашиб турса, илмий тадқиқот 
ишининг тўғри ёки нотўғри кетаётганлигини билиб туради. Бу 
охирги босқич магистрлик ишининг дастлабки ҳимояси бўлиб, 
у кафедра қошидаги (магистратура бўлими ёки илмий ва 
инновацион технологиялар бўйича проректор қошидаги) илмий, 
илмий-услубий семинарда муҳокамадан ўтказилиб, ҳимояга 
тавсия этилади, деган гап. 
КЎРСАТМА: Тадқиқотчи илмий тадқиқот ишини бажариш 
жараёнида оралиқ ва жорий натижаларни таҳлил қилиб борса ва 
улар натижалари билан илмий семинарларда қатнашиб турса, 
тадқиқот тўғри кетаётганлигига ишонч ҳосил қилиб бори-
лишига имконият яратилади.