Илмий тадқиқот асослари: 1000 саволга 1000 жавоб тошкент–2019

702 - САВОЛ: 
КЎП ҚИРРАЛИ ДИНАМИК ТАЪЛИМ 
ЖАРАЁНИГА ДИДАКТИК МАТЕРИАЛ-
ЛАР ТАЙЁРЛАШ ДЕГАНДА НИМАНИ 
ТУШУНАСИЗ? 
ЖАВОБ: Кўп қиррали динамик таълим жараёнига дидактик 
материалларни тайёрлаш учун тайёрланган материал ва 
кўргазмалар, таълим воситалари таълим олувчиларнинг мустақил 
ижодий ишларига ёрдам бериши ва фанни (мавзуни) 
ўзлаштиришини ривожлантиришга мўлжалланган бўлмоғи лозим. 
КЎРСАТМА: Ҳар бир дарсни қизиқарли, ижодий изланувчанлик 
ва мустақиллик асосида ташкил қилишга ҳаракат қилиш керак. Бунда 

---

462 
дарсни тўғри ташкил қилиш ўқитувчини юксакликка етаклайди ва ўз 
устида ишлашга ундайди, истиқболли натижаларни илғай олишни 
ўргатади ҳамда дарс самарадорлигини оширади. 
703 - САВОЛ: 
ЛОЙИҲАЛАШ – БУ ҚАНДАЙ ЖАРАЁН? 
ЖАВОБ: Лойиҳалаш – бу таълимнинг мазмуний қисмини 
ишлаб чиқишдан иборат бўлиб, таълимнинг умумий ва аниқ 
мақсадлари, ўқитиладиган маьлумотлар (фанлар) мажмуасини 
аниқлаш, ҳар бир фаннинг мазмунини, соатлар ҳажми ва 
бошқаларни режалаштиришдир. 
КЎРСАТМА: Таълим самарадорлигини мақсадга мувофиқ 
равишда аниқлашда, таълим жараёнини ташкиллаштириш ва 
уюштиришнинг оптимал вариантларини танлашда лойиҳалаш 
ишларидан мақсадли фойдаланишга ҳаракат қилиш керак. 
704 - САВОЛ: 
МАВЗУНИ ЁРИТИШДА МАЪНАВИЙ - 
АХЛОҚИЙ ТАРБИЯГА ЭЪТИБОР БЕРИШ 
ҚАНДАЙ АМАЛГА ОШИРИЛАДИ? 
ЖАВОБ: Мавзуни ёритишда маьнавий - ахлоқий тарбияга 
эътибор бериш ҳар қандай фанни ўқитишда миллий - маънавий 
қадриятларни таълим олувчилар онгига сингдириш орқали амалга 
оширилади. 
КЎРСАТМА: Илмий ижодиётни олиб боришда замонавий 
ҳаётий эҳтиёжларни (маънавий, маънавий - ахлоқий тарбиялар ва 
шу кабиларни ҳам) қондириш борасидаги илмий тадқиқот 
ишларини олиб боришга ҳаракат қилинг.