Илмий тадқиқот асослари: 1000 саволга 1000 жавоб тошкент–2019

723 - САВОЛ: 
ТАЛАБАЛАРНИНГ ЎҚУВ ФАОЛИЯТИНИ 
ШАКЛЛАНТИРИШ 
ТЕХНОЛОГИЯСИ 
ДЕГАНДА НИМАНИ ТУШУНАСИЗ? 
ЖАВОБ: Ушбу технологиянинг мазмун - моҳияти қуйидагича: 
бунда талабалар билим олишга ўқув фаолиятининг алоҳида шакли 
сифатида қарайди ва ўқув фаолиятида билимларни ўқув 
топшириқлари ёрдамида эгаллашга йўналтиради, яъни дарс 
бошланиши билан талабаларга ўқув топшириқлари таклиф 
этилади ва ечимлари дарс давомида ҳал қилиниб борилади. Дарс 
охирида уларнинг ўзлаштиришлари тест усулида аниқланади ва 
хулосаланади.
КЎРСАТМА: Шуни унутмаслик керакки, бунда ўқитувчи 
фанни ўзлаштириш бўйича ўқув топшириқларнинг мантиқий 
тизимини ишлаб чиқиш керак ва ўз ўқитувчилик фаолиятида 
яратилган тизим асосида “ўқиш – ўқитиш – ўқиш” тизимини 
оғишмай амалга оширади.

---

472 
724 - САВОЛ: 
ТАЪЛИМ БЕРИШ ЖАРАЁНИДА ТАРБИЯ 
ҲАМ АМАЛГА ОШИРИЛАДИ ДЕГАНДА 
НИМАНИ ТУШУНАСИЗ?
ЖАВОБ: Бунда таълим ва тарбия уйғунлигига эътибор 
берилади. Айниқса, бўлажак мутахассисларнинг касбий 
фаолиятларини шакллантириш ҳамда уларни амалий фаолиятга 
тайёрлаш таълим бериш жараёнининг асосий омилларидан бири 
бўлмоғи лозим, акс ҳолда таълимда ҳам тарбияда ҳам юқори 
самарадорликка эришиб бўлмайди.
КЎРСАТМА: Ҳар қандай ўқитувчи дарс ўтиш жараёнида 
унинг таълимий ва ривожлантирувчи мақсадларини амалга 
оширишда дарс орқали бериладиган тарбиявий мақсадни ҳам 
эсдан чиқармаслиги керак ва ҳар бир ўқитувчи дарс 
машғулотларини олиб боришда ўз фаолиятини таҳлил қила олиши 
ва шу асосда тегишли хулоса чиқара олишга эришиш керак.
725 - САВОЛ: 
ТАЪЛИМ ЖАРАЁНИНИ ХУЛОСАЛАШ 
ҚАНДАЙ АМАЛГА ОШИРИЛАДИ? 
ЖАВОБ: Таълим жараёнини хулосалашда хулосалаш малакаси 
жараён ва ҳодисалар тоғрисидаги маълумотларни йиғиш, уларни 
ахборотга айлантириш ҳамда маълум тартибга солиш, мантиқий 
фикрлаш таҳлили натижалари орқали амалга оширилади ва улар 
таълимни технологиялаштиришда мустаҳкам пойдевор бўлади. 
КЎРСАТМА: 1. Ҳар қандай илмий тадқиқот ишида кўзланган 
мақсадга эришганлик даражасини баҳолаш мезони бўлиши керак. 
2. Илмий тадқиқот ишини амалиётга жорий этгандан сўнг 
таълимни оптималлаштиришга услубий тавсиялар ва кўрсатмалар 
тайёрлаш керак.