Илмий тадқиқот асослари: 1000 саволга 1000 жавоб тошкент–2019

 
222 - САВОЛ: 
ДЕДУКТИВ ХУЛОСА ДЕГАНДА НИМА-
НИ ТУШУНАСИЗ? 
ЖАВОБ: Дедуктив хулоса – бу умумий ҳукмлардан якка 
ҳукмларга қараб бориш орқали мантиқий хулоса чиқаришдан 
иборат метод, тафаккур шаклларидан биридир. 
КЎРСАТМА: Элементар, қисм-тизимлар ва тизим орасидаги 
функционал муносабатларини ўрнатиш педагогик илмий тадқиқот 
ишини олиб боришнинг оптимал вариантларидан бирини қўлга 
киритишга катта имконият яратади. 
 
223 - САВОЛ: 
ДИДАКТИКА ТАЪЛИМ ЖАРАЁНИНИНГ 
ҚАЙСИ СОҲАСИНИ ЎРГАНАДИ? 
ЖАВОБ: Дидактика – педагогиканинг мустақил тармоғи 
бўлиб, у таълим-тарбия назарияси, яъни мақсадлари, мазмуни, 
қонуниятлари, тамойилларини ишлаб чиқиш билан шуғулланади. 
Дидактика таълим жараёнининг умумий қонуниятларини 
ўрганувчи қисмидир. 
Дидактика юнонча сўз бўлиб, “didasko” – ўқитиш, “didaskol” – 
ўргатувчи деган сўзлардан келиб чиққан. 
Дидактиканинг сўзма-сўз таржимаси таълим назариясини 
англатади. Дидактика педагогиканинг “нимага ўқитиш”, “нимани 
ўқитиш” ва “қандай ўқитиш” каби саволларга жавоб излайди. 
Умумий дидактика ўз жавобида айрим фанларга оид усуллар 
билан жуда мустаҳкам боғланади. Шу усуллар маълумотларига 
таяниб ўқитишнинг умумий қонуниятларини очиб беради ва айни 
вақтда ҳар бир ўқув фанини ўқитиш усуллари учун умумий асос 
бўлиб хизмат қилади. 
Дидактика ўз олдига ўқитишнинг таълим олувчиларни ҳар 
томонлама тарбиялаш мақсадларига жавоб берувчи умумий 
қонуниятларни билиб олиш вазифасини қўяди. 
Дидактиканинг асосий вазифаси ёш авлодни илмий билимлар, 
кўникма ва малакалар тизими билан қуроллантиришдан иборат. 

---

165 
КЎРСАТМА: Дидактика соҳасига оид илмий тадқиқот 
ишларини олиб боришда педагогик инновация соҳасидаги 
маълумотларни тўплаш, сақлаш, қайта ишлаш ва узатишга 
тайёрлаш орқали ахборот ҳолатига келтириш керак ҳамда қўлга 
киритилган ахборотларни муайян соҳа (муаммо) бўйича тартибга 
(тизимга) солиш керак.