Илмий тадқиқот асослари: 1000 саволга 1000 жавоб тошкент–2019

887 - САВОЛ: 
КУЗАТИШ МЕТОДИНИНГ ҚАНДАЙ 
АФЗАЛЛИКЛАРИ БОР? 
ЖАВОБ: Кузатиш методининг қуйидагидек афзалликлари 
бор: 

Кузатиш режалаштирилган шароитларда ўтказилади; 

Кузатиш кузатилаётган ҳодиса ва жараённинг мавжуд 
ҳолатини (хулқ - атворини) ўзгартирмайди; 

Кузатишни битта одам устида ҳам бир гуруҳ шахслар устида 
ҳам олиб бориш мумкин; 

Бу метод болалар боғчаси гуруҳларидан тортиб олий таъ-
лимнинг кейинги ижтимоий гуруҳларигача бўлган жараёнларида 
фойдаланишга қулай. 
КЎРСАТМА: Кузатиш методи асосан қуйидаги йўналишларда 
ўз самарасини беради: фаолият маҳсуллари таҳлили; ўлчаш; 
корреляцион кузатувлар; маълумотлар йиғиш; тушунтириш 
методини кузатувга нисбатан қўллаш ва ҳ.к. 
888 - САВОЛ: 
КУЗАТИШ МЕТОДИ ЁРДАМИДА ҚАН-
ДАЙ МУАММОЛАРНИ САМАРАЛИ 
ҲАЛ ЭТСА БЎЛАДИ? 
ЖАВОБ: Кузатиш методи ёрдамида қуйидаги йўналишдаги 
муаммоларни ҳал этиш мумкин: 
1. Табиат ва жамият ҳодисалари ҳамда воқеаларни ўрганиш 
имкониятини яратиш йўналишларидаги ижодий фаолиятда. 
2. Кишилардаги диққат-эътибор ва ҳис-туйғуларни ўрганиш 
жараёнидаги ижодий фаолиятда. 
3. Асаб тизимининг ташқи ифодалари ва уларнинг одам органи-
змига таъсирларини, шунингдек, организмнинг турли ташқи муҳитга 
таъсирларининг моделларини тузишдаги ижодий фаолиятда. 
4. Инсонлардаги хатти-ҳаракатлар, сир-синоатлар (сезгирлик, 
синчковлик, хулқ-атвори, нутқ фаолияти ва ҳ.к.)ни ўрганиш 
борасидаги ижодий фаолиятда ва ҳ.к. 

---

560 
КЎРСАТМА: Кузатиш методи – бу илмий билиш методи бўлиб, 
унинг ёрдамида назарий тадқиқотлардан олинган натижаларнинг 
амалий аҳамияти далилланади. 
889 - САВОЛ: 
МАДАНИЙ МЕРОС ДЕГАНДА НИМАНИ 
ТУШУНАСИЗ? 
ЖАВОБ: Маданий мерос деганда авлодлар томонидан яратилган 
амалий тажриба, ахлоқий, илмий, тафаккурий, диний ва руҳий 
қарашлар, халқ маданияти ва ижоди каби моддий ҳамда маънавий 
бойликлар мажмуи тушунилади. 
КЎРСАТМА: Педагогик илмий тадқиқот ишларини олиб 
боришда бой маданий меросдан фойдаланилса, таълим олув-
чиларнинг Ватанимиздаги илмий қадриятлари тўғрисидаги фикрлари 
янада юксалади ва айниқса, ушбу соҳадаги қомусий ва ҳадисчи 
олимларимизга ҳурмат янада кучаяди ҳамда уларда Ватан 
олдидаги қарздорлик ҳисси янада юксалади.