Илмий тадқиқот асослари: 1000 саволга 1000 жавоб тошкент–2019

785 - САВОЛ: 
ИЛМИЙ - ТЕХНИК ИЖОДКОРЛИК ДЕ-
ГАНДА НИМАНИ ТУШУНАСИЗ? 
ЖАВОБ: Илмий - техник ижодкорлик – бу таълим 
олувчиларни меҳнат, ўқиш, яъни билимларни мустақил ўрганиш, 
ўз-ўзини такомиллаштириш ва шахсий мойиллигини (лаёқатини) 
рўёбга чиқаришга тайёрлаш, танланган касби ва мутахассислигига 
оид қобилият ва олға интилишлари бўйича ижодкорлик 
қобилиятларини ривожлантиришга мақсадли йўналтирилган 
қобилиятдир. 
КЎРСАТМА: Бундай фаолиятда ҳар бир таълим олувчи ўқув 
жараёнида фаол иштирок этиши, ўқув - билув жараёнига шахсий 
ҳисса қўшиши ва таълим жараёнида ўқитувчининг услубий 
ёндашувига диққат қилиши, ўқув - методик, психологик, 

---

505 
педагогик ташкилий бошқарув ишлари мақсадли бўлиши, таълим 
олувчининг шахсий хислатлари эътиборга олиниши керак. 
786 - САВОЛ: 
ИННОВАЦИОН РИВОЖЛАНИШ МОДЕЛИ 
– БУ ҚАНДАЙ МОДЕЛЬ? 
ЖАВОБ: Инновацион ривожланиш модели – бу илмий 
техникавий салоҳиятдан кенг фойдаланиб, фундаментал ва амалий 
фанларнинг ютуқларини чуқур ва илмталаб қиладиган 
технологияларни амалиётда кенг жорий этиш, юқори малакали, 
иқтидорли илмий кадрлар сонини кўпайтириш моделидир. 
КЎРСАТМА: Инновацион ривожланиш модели таълим - 
тарбияда янги сифат кўрсаткичларига эришиб, юқори самара-
дорликни қўлга киритишни таъминлайди ва унда таълим олувчи 
ижодкорликка йўналтирилади ҳамда таълим технологияларини 
янгича сифат кўрсаткичига кўтариш, шунингдек, таълим – 
тарбияда замонавий ёндашувларни ташкил қилиб боришни 
таъминлайди. 
787 - САВОЛ: 
КАСБИЙ ФАОЛИЯТНИНГ МАЗМУНИЙ 
ПАРАМЕТРЛАРИ – БУ ҚАЙСИЛАР? 
ЖАВОБ: Касбий фаолиятнинг мазмуний параметрлари – бу 
фаолият модели ва муайян касб-ҳунар (мутахассислик) 
моделларининг таърифий мажмуини ташкил этади. 
КЎРСАТМА: 1. Касбий фаолиятнинг мазмуний параметрлари 
бўлажак мутахассисни касбий меҳнат фаолиятига тайёрлаш ва 
уларни меҳнат бозорида рақобат қила олишга тайёргарлигини ва 
қобилиятини таъминлаш мақсадида ижтимоий етук шахсни 
шакллантириш ва ривожлантиришга ёрдам беради. 
2. Касбий фаолиятнинг мазмуний параметрлари индивуднинг 
талаблари, қобилиятлари, руҳий-жисмоний имкониятлари ҳамда 
ижтимоий ва ижтимоий этник омиллар таъсирини ҳисобга олган 
ҳолда ўқув жараёни ва ўқув ишлаб чиқариш фаолияти доирасида 
дастурлаштирилади ва амалга оширилади. 

---

506