Илмий фаолиятга тайёргарлик асослари

Аниқлаштириш - абстрактлаштиришга тескари жараён, яхлит, 
ўзаро боғлиқ, кўп томонлама объектнинг топилишини назарда тутади. 
Конспект - асосий хулосалар ва қоидалар, фактлар, далиллар, 
усулларни ўз ичига олади; тузувчининг материалга нисбатан 
муносабатини акс эттиради. Конспектлар турлари: Режали - олдиндан 
тайёрланган режа ёрдамида тузилади: унинг ҳар бир бандига конспектнинг 
тегишли қисми мос келади. Таҳлилий - кўпинча бир неча манбадан 
фойдаланиб аниқ мавзуни очиб беради Эркин - кўчирмалар, баъзан 
тезислар аралашмасидан иборат бўлади. Матнли - кўпинча мантиқий 
ўтишлар билан боғланган кўчирмалардан ташкил топади. Тематик - 
матннинг бутун мазмунини акс эттирмайди, фақат муайян, аниқ мавзуни 
ишлайди, қўйилган саволга жавоб беради. Хронологик - ҳодисаларнинг 
ўзини кўрсатиш асосида уларнинг хронологик изчиллигини акс эттиради.
 
Иқтисодиёт магистри - бу кенг билимли мутахассис бўлиб, у 
илмий ижод методологияси ва услубиётини, замонавий ахборот 
технологияларини эгаллаган; турли хил иқтисодий ахборотларни таҳлил 
этиш ва синтез қилиш малакасига эга бўлади. 
Магистратура - магистрларни, яъни илмий-тадқиқотчилик ва 
илмий-педагогик фаолиятга тайёрланган мутахассисларни тайёрлаш 
шаклидир. 

---

134
Илмий тадқиқот услуби – бу муайян билиш мақсадини ҳисобга 
олган ҳолда муайян билиш вазифаларини ҳал этишга қаратилган ақлий ва 
(ёки) амалий операциялар (русум-қоидалар) тизимидир.  
Тадқиқот услубиёти (технологияси) – тадқиқот усулларининг бир 
тизимли мажмуи, тадқиқот услублари, усуллари, техникаларини қўлланиш 
ва улар ёрдамида олинган натижаларни талқин қилиш қоидалари тизими. 
Услубиёт ўрганиладиган объект характерига, тадқиқот методологияси, 
мақсадларига, ишлаб чиқилган услублар, тадқиқотчи малакасининг 
умумий даражасига боғлиқ бўлади.