Ilm-fan muammolari yosh tadqiqotchilar talqinida

Kungaboqar urug’ining kattaligiga, moyining miqdoriga va mag’zining 
chiqishiga qarab 3 guruhga bo’linadi: 
▪
Moyli kungaboqar
– pistasi mayda, 1000 donasining vazni 35–80 g, mag’zi 
tarkibida 53–63% moy bor. 
▪
Chaqiladigan kungaboqar
– pistasi yirik, 1000 donasining vazni 100–170 g, 
mag’zining tarkibida 20–35% moy bo’ladi, poyasidan silos ham bostiriladi. 
▪
Oraliq kungaboqar
– hamma ko’rsatkichlari o’rtacha bo’ladi. 
Kungaboqar urug’i 4–6°S haroratda 10–15 kunda unib chiqadi. Maysasi – 6°S 
sovuqqa bardoshli (qisqa qorasovuqlarga chidaydi). Issiqlikka talabchan, 
yorug’sevar, qisqa kunli, qurg’oqchilikka chidamli, namsevar o’simlik. Soya joyda 
yaxshi rivojlanmaydi. O’suv davri 80–140 kun bo’ladi. Ozuqaga talabchan, 1 tonna 
pista va poyabarg hosil qilishi uchun 50–60 kg azot, 20–25 kg fosfor, 120–160 kg 
kaliy talab qiladi. Kungaboqardan, asosan, ovqatga ishlatiladigan kungaboqar moyi 
olinadi. Silosbop navlaridan silos bostiriladi, chiqindilaridan shrot olinadi. 
Kunjarasidan chorva mollariga yuqori sifatli ozuqa sifatida foydalaniladi. 
Kungaboqar erta bahorda tuproq harorati 8–12°S ga yetganda va takroriy ekin sifatida 
kuzgi bug’doy va arpadan keyin ekiladi. Ekishdan oldin yer tekislanadi. yer 
haydashdan oldin go’ng (20 t/ga), azotli, fosforli va kaliyli o’g’itlar solinadi. Ekish 
uchun mahalliylashtirilgan navlar urug’i keng qatorlab va punktir usulda 5–8 sm 
chuqurlikda ekiladi. Sug’oriladigan maydonlarda ko’chat qalinligi 60 ming tup/ga 
bo’lishi lozim (1 ga maydonga pista uchun 5–8 kg, silos uchun 35–40 kg urug’lik 
sarflanadi). 
Kungaboqar urug’i ekishdan oldin zararkunanda va kasalliklarga qarshi 
dorilanadi. Ekishda makkajo’xori ekiladigan seyalkalardan foydalaniladi. O’suv 
davrida qator orasi 2–3 marta kultivatsiya qilinadi, 5–6 marta sug’oriladi. Gullash 
davrida ekinzorda asalari uyalari qo’yilsa kungaboqar gullari yaxshi changlanadi. 

---