Norvegiya Miya instituti olimlari miya uzoq vaqt davomida faol va yosh bo’lib qolishi uchun har kuni ikki osh qoshiq o’simlik yog’ini iste’mol qilish kerakligini isbotladi

Norvegiya Miya instituti olimlari miya uzoq vaqt davomida faol va yosh bo’lib qolishi uchun har kuni ikki osh qoshiq o’simlik yog’ini iste’mol qilish kerakligini isbotladi. SHuningdek, o’simlik yog’lari A (teri, ko’rish qobiliyati va immunitet uchun zarur bo’lgan) va E (antioksidant, infektsiyalardan himoya qiladi) vitaminlariga boy. Quyida ehtiboringizga 7 ta eng foydali o’simlik yog’ini taqdim etamiz: Kungaboqar moyi uchuvchan surtma, mingdevona moyi bilan malhamlar, ba'zan dorivor moddalari eritish hamda yashil (kaliy) sovun tayyorlash uchun qoʻllaniladi. Kungaboqar moyi "Livian" preparati tarkibiga kiradi. Ba'zan bargi va gulidan tayyorlangan nastoyka ishtaha ochish uchun ishlatiladi.
Kungaboqarning bargi bilan gulidan tayyorlangan nastoyka xalq tabobatida bezgak kasalligini davolashda. ishtaha ochish va ovqat hazmini yaxshilash uchun ishlatiladi. Bargining damlamasi bilan isitma, gulidan tayyorlangan qaynatma bilan bezgak, isitma, ich ketishi, bod, sariq va yurak kasalliklari davolanadi. Gullarining qaynatmasi yana siydik haydovchi vosita sifatida ham qo'llaniladi
Zaytun yog’i. Ushbu yog’ning etiketkada ko’rsatiladigan kislotalilik darajasiga ehtibor qarating. U qanchalik past bo’lsa (0,8%gacha), yog’ shunchalik yuqori sifatli hisoblanadi. Zaytun yog’ini Qadimgi Yunonistonda “suyuq oltin” deb atashgan. Unda olein kislotasi juda katta miqdorda mavjud. Zaytun àyog’i qizdirilganida kanserogenlarni deyarli hosil qilmaydi.
Kungaboqar yog’i. Letsitin moddasining eng yaxshi manbai. Ushbu modda bolaning asab tizimi shakllanishiga yordam beradi, katta yoshda esa aql faolligi varavshanligini saqlaydi. SHuningdek, letsitin anemiya va stresslarda kuchlarnitiklashga yordam beradi.
Makkajo’xori yog’i. U organizmdagi xolesterin almashinuvini juda yaxshitartibga soladi. “Yomon” qattiq yog’larning parchalanishiga yordam beradi. Makkajo’xori yog’ida fosfor hosilalari, yahni fosfatidlar bo’lib, ular miya uchun juda foydali hisoblanadi. SHuningdek, ushbu yog’ tarkibidagi nikotin kislotasi (PP vitamini) yurak-qon tomirlarining o’tkazish xususiyatini yaxshilaydi.
Xantal yog’i. O’zining bakteritsid xususiyatlari sababli nimagaqo’shilgan bo’lsa, o’sha mahsulotning uzoqroq saqlanishiga, yaralar va kuygan joylarning tezroq bitib ketishiga yordam beradi. Xantal yog’i isituvchi va yumshatuvchi xususiyatlarga ham ega bo’lib, bronxit va anginalar paytida u bilan ingalyatsiyalar qilish foydali. Biroq bu yog’ni ovqatga ko’p ishlatib bo’lmaydi. O’zining foydali xususiyatlariga qaramasdan, xantal yog’i tarkibida organizmdagi ovqat hazm qilish fermentlari tomonidan parchalanmaydigan kislotalar mavjud.
Zig’ir yog’i. O’simlik yog’lari orasida eng past kaloriyali bo’lib,ozish uchun mo’ljallangan parhezlarda foydalaniladi. Jigardagi toksinlarni chiqarishga yordam beradi. Tarkibidagi Omega-3 kislotasi miqdori bo’yicha baliq moyini ortda qoldiradi. Zig’ir urug’ida nitratlarni (masalan, sotib olingan meva va sabzavotlardagi) yo’q qiluvchi antioksidant mavjud.
Kunjut yog’i. Tarkibidagi kalsiy moddasi bo’yicha yog’lar orasida chempion hisoblanadi. Uni ayollar yog’i ham deyishadi. Ushbu yog’, ayniqsa, homiladorlik davrida va gormonal o’zgarishlar paytida juda foydali. Qalqonsimon bez va podagra (bo’g’imlardagi zararli tuzlarni chiqaradi) kasalliklarida ahvolni yaxshilashga yordam beradi. Ammo kunjut qonning quyilish xususiyatini kuchaytiradi.