Ijtimoiy-madaniy masalalar / Uy-joy qonunchiligi. Kommunal xizmat]


[OKOZ:
1.08.00.00.00 Uy-joy qonunchiligi. Kommunal xo‘jalik / 08.01.00.00 Uy-joy fondi / 08.01.02.00 Uy-joy fondini boshqarish;
2.08.00.00.00 Uy-joy qonunchiligi. Kommunal xo‘jalik / 08.06.00.00 Noturar joylar. Ma’muriy binolar / 08.06.01.00 Umumiy masalalar]
[TSZ:
1.Ijtimoiy-madaniy masalalar / Uy-joy qonunchiligi. Kommunal xizmat]
O‘zbekiston Respublikasi Vazirlar Mahkamasining
qarori
Oldingi tahrirga qarang.
O‘zbekiston Respublikasida binolar va inshootlar davlat kadastrini yuritish to‘g‘risida
(qaror nomi O‘zbekiston Respublikasi Vazirlar Mahkamasining 2004-yil 19-oktabrdagi 483-sonli qarori tahririda — O‘R QHT, 2004-y., 42-son, 446-modda)
LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-iyundagi 389-sonli “Davlat kadastrlarini yuritish sohasini tartibga soluvchi ayrim normativ-huquqiy hujjatlarni tasdiqlash to‘g‘risida”gi qaroriga asosan o‘z kuchini yo‘qotgan.
O‘zbekiston Respublikasida Davlat kadastrlari yagona tizimi va binolar va inshootlarning yagona davlat hisobini yaratish hamda uning yuritilishini tashkil qilishni ta’minlash maqsadida Vazirlar Mahkamasi qaror qiladi:
1. Quyidagilar tasdiqlansin:
Binolar va inshootlar davlat kadastrini yuritish tartibi to‘g‘risidagi nizom (1-ilova);
Oldingi tahrirga qarang.
(1-bandning uchinchi xatboshisi O‘zbekiston Respublikasi Vazirlar Mahkamasining 2014-yil 3-iyundagi 138-sonli qaroriga asosan chiqarilgan — O‘R QHT, 2014-y., 23-son, 269-modda)
2. Tumanlar va shaharlarda binolar va inshootlar davlat kadastrini yuritish Qoraqalpog‘iston Respublikasi, viloyatlar va Toshkent shahri yer tuzish va ko‘chmas mulk kadastri davlat korxonalarining tegishli tumanlar (shaharlar)dagi filiallariga yuklansin.
(2-band O‘zbekiston Respublikasi Vazirlar Mahkamasining 2017-yil 29-avgustdagi 679-sonli qarori tahririda — O‘R QHT, 2017-y., 35-son, 931-modda)
3. Belgilansinki, O‘zbekiston Respublikasi Fuqarolik kodeksining 84-moddasida nazarda tutilgan binolar va inshootlarga egalik huquqini hamda ular yuzasidan bitishuvlarni davlat ro‘yxatidan o‘tkazish Qoraqalpog‘iston Respublikasi, viloyatlar va Toshkent shahri yer tuzish va ko‘chmas mulk kadastri davlat korxonalarining tegishli tumanlar (shaharlar)dagi filiallari tomonidan amalga oshiriladi.
(3-band O‘zbekiston Respublikasi Vazirlar Mahkamasining 2017-yil 29-avgustdagi 679-sonli qarori tahririda — O‘R QHT, 2017-y., 35-son, 931-modda)
4. Binolar va inshootlar davlat kadastri ma’lumotlari barcha davlat organlari, yuridik va jismoniy shaxslar uchun majburiy yuridik kuchga ega bo‘lishi belgilab qo‘yilsin.
5. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari “O‘zgeodezkadastr” bosh boshqarmasi bilan birgalikda:
1997-yil 1-iyundan boshlab tumanlar va shaharlarda binolar va inshootlarning davlat kadastri yuritilishini tashkil qilsinlar;
mablag‘ bilan ta’minlanishi, shahar (qo‘rg‘on) chegaralari ishlab chiqilishi va qonunda belgilangan tartibda tasdiqlanishini ta’minlagan holda 1997-1998-yillar mobaynida shaharlar va qo‘rg‘onlar chegaralarini tartibga solsinlar.
Oldingi tahrirga qarang.
(6-band O‘zbekiston Respublikasi Vazirlar Mahkamasining 2004-yil 19-oktabrdagi 483-sonli qaroriga asosan o‘z kuchini yo‘qotgan — O‘R QHT, 2004-y., 42-son, 446-modda)
7. “O‘zgeodezkadastr” bosh boshqarmasi:
1997-yildan boshlab davlat kadastrlarini yuritish uchun baza sifatida shaharlar, qo‘rg‘onlar va qishloq tumanlari markazlarining geodeziya tarmoqlari va topografik asoslarini muntazam yangilashga kirishsin;
uch oy muddatda Vazirlar Mahkamasiga qonunchilikni o‘zgartirish va to‘ldirishga doir takliflar kiritsin;
Makroiqtisodiyot va statistika vazirligi, Kommunal xizmat ko‘rsatish vazirligi, Davlat mulki qo‘mitasi va “Davarxitektqurilish” qo‘mitasi bilan birgalikda uch oy muddatda:
Binolar va inshootlar obyektlarining yagona klassifikatorini;
binolar va inshootlarni davlat ro‘yxatidan o‘tkazish tartibi to‘g‘risidagi yo‘riqnomani ishlab chiqsin va tasdiqlasin.
Oldingi tahrirga qarang.
(8-band O‘zbekiston Respublikasi Vazirlar Mahkamasining 2005-yil 16-fevraldagi 66-sonli qaroriga asosan o‘z kuchini yo‘qotgan — O‘R QHT, 2005-y., 7-son, 59-modda)
9. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari I. H. Jo‘rabekov zimmasiga yuklansin.