Ijtimoiy-madaniy faoliyat va musiqa ta’limi

Kolleksiyalarni saqlash:

3. 
   Muzey fondlarining saqlanadigan joyi. Bu joyda kolleksiyalar foydalanilmaganda va tadqiq qilinmaganda ular atrof muhitning zarali omillari, falokat, halokat va o‘g‘irliklardan saqlanadi. Muzey binosi tashqi muhit va kollkeksiyalar o‘rtasidagi xavfsizlikning birinchi qatlami bo‘lib, saqlash joylari iloji boricha muzeyning ichki xonalarida joylanishi lozim. Ular boshqa ishlar uchun emas balki faqatgina kolleksiyalarni saqlash uchun qo‘llanishlari kerak bo‘lib, xona yoritilganlik darajasi past, bir hildagi xarorat va o‘rtacha namlik, hamda atmosferani ifloslantiruvchi moddalar, turli xasharotlardan xoli bo‘lishi talab qilinadi. Xavfsizlikni ta'minlash maqsadida saqlash joylarga kolleksiyalar uchun javobgar personal kirishi, boshqalarga esa ta'qiqlanishi taqozo qilinadi. Yong‘inga qarshi uskunalar ham o‘rnatilishi darkor. Bundan tashqari mebel va upakovka materiallari kolleksiyalar bir biriga tegishida mustahkam va reaksiya keltirib chiqaramaydigan bo‘lishi lozim.
   
4. 
   Kolleksiyalarni ishlatish va boshqa joyga ko‘chirish. Kolleksiyalar ko‘proq shikastlanish xavfiga ularni qo‘l bilan ushlaganda yoki boshqa yerga ko‘chirib o‘tishda uchraydi. Bunday xollarni oldini olish uchun o‘ta ehtiyotkorlik bilan xarakatlanish zarur. Xatto extiyotkorlikning oddiy choralari bunday xavflarni sodir bo‘lishini kamaytirishi mumkin. Barcha eksponatlar bilan ular juda qimmatbaho eksponatday muomala qilish lozim, ularni qo‘l bilan ushlaganda qo‘llar toza yoki ip gazlamali qo‘lqoplarda bo‘lishi talab qilinadi.
   
5. 
   Fotosuratga olish. Fotosuratga olish xujjatlashtirish jarayonining tarkibiy qismi hisoblanadi. Surat nafaqat vizual tarzdagi ro‘yxatga olish vositasi sifatida qo‘llaniladi, balki eksponatni tadqiq qilish va o‘rganishda yoki kolleksiya o‘z joyida bo‘lmaganida undan foydalanishadi, hamda eksponat o‘g‘irlnagnda yoki yo‘qolganda dalil sifatida sug‘urta majburiyatlarini amalga oshirish uchun ishlatish mumkin. Bundan tashqari muayyan vaqtdagi eksponatning surati uning kelajakdagi axvoli bilan taqqoslash uchun darkordir. Shuning uchun fotosuratlar yuqori sifatli bo‘lishi kerak.
   
6. 
   Sug‘urtalash. Sug‘urtalash riskni boshqarishning tarkibiy qismi xisoblanadi. Sug‘urtalash kolleksiyalarni talabga javob bermaydigan boshqaruvning o‘rnini bosmaydi. Noyob eksponatlarni tiklab bo‘lmaydi, lekin kolleksiyani yo‘qotish yoki shikastlash xollarida sug‘urta ma'lum miqdordagi pullik kompensatsiya bilan ta'minlaydi. Sug‘urtalash shartlari qanday eksponat, qanday risk va qanday sharoitlarda sug‘urta amalga oshirilayotganligiga qarab turlicha bo‘lishi mumkin. Shuning uchun kolleksiyalarni tiklash qiymatiga qarab ularning belgilangan bahosi jadvalini tuzib borish muzey faoliyatining maqsadiga muvofiqdir. Lekin ayrim mamlakatlarda milliy davlat muzeylarida kolleksiyalar sug‘urtalanmaydi, buning o‘rniga davlatning o‘zi yo‘qotilgan kolleksiya zararini to‘ldirish uchun kafolat beradi.
   
7. 
   Kolleksiyalarni konservatsiyalash. Preventiv konservatsiya qilish kolleksiyalarni boshqarishning eng muhim jihatlaridan biri xisoblanadi. Ushbu masala muzey faoliyatining asosida bo‘lishi va har bir xodimning doimiy majburiyatlariga kirishi kerak. Har bir kolleksiyaga konservatorlar ishi kerakligini aniqlash uchun ularni muntazam ravishda kuzatib borish lozim.
   
8. 
   Favquloda vaziyatlarga tayyorgarlik. Ushbu masala ham kolleksiyalarni boshqarishning muhim masalalaridan biri xisoblanadi. Muzey tabiiy ofat va fuqarolik falokatlarni maksimal tarzda oldini oluvchi chora tadbirlarini mukammal ishlab chiqishi lozim. Bunday chora tadbirlar tizimiga riskni baholash, bino, mebel va jixozlar,uskuna va vositalarni to‘g‘ri joylashtirish va loyixalashtirish, hamda muntazam ravishda ko‘rik o‘tkazish va profilaktik texnik xizmat ko‘rsatishlar kiradi.