Ijtimoiy jamiyatda oilani bolalarni tarbiya qilishdagi roli juda katta. Bola bog’chada bo’lishiga, maktabda o’qishiga qaramay o’z umrining uchdan ikki qismini uyda, ota-onasi bag’rida o’tkazadi

Chiniqtirish va jismoniy tarbiya
Chiniqqan bolalar namlik, issiq va issiqlik va sovuqlikning o’zgarishlariga oson moslashadilar, shamollash kasalliklariga va boshqa kasalliklarga kamroq chalinadilar. Chiniqish va jismoniy tarbiya nerv tizimini mustahkamlaydi, muskullar va suyaklarning rivojlanishiga juda yaxshi imkon beradi, yurak, o’pka, ovqat hazm qilish va ajratish organlari ishini, qon tarkibini va moddalar almashinuvini yaxshilaydi. Organizmni kaslllik qo’zg’atuvchi omillarga chidamlik qiladi. Chiniqtiruvchi muolajalarni qo’llashda quyidagi tamoillarga (prinsip) amal qilish kerak: barvaqt boshlash, asta-sekinlik va izchillik. Bolaning o’ziga xos xususiyatlarini albatta hisobga olish kerak.
Chiniqtirish vositalari va hammani qo’lidan keladi, faqat miyaga joylashib qolgan noto’g’ri fikrlarni tashlab, bolalarni o’rab chirmamaslik, musaffo havodan qo’rqmaslik kerak. Har kuni 4-5 marta honani shamollatib turish, yozda esa har doimo derazani ochib qo’yish lozim. Chunki deraza oynalari o’sayotgan organizm uchun zarur bo’lgan ultra binafsha nurlarini o’tkazmaydi. Ushbu nur organizmda vitamin D sintezini boshqaruvchi muhim omil hisoblanadi. Vitamin D yetishmasligi oqibatida suyaklar mo’rtlashadi o’sish va rivojlanishda orqada qoladi, natijada raxit kasalligiga sabab bo’ladi. Agar ushbu kasallikka bee’tiborlik qilinsa suyaklar deformatsiyalanishi (qiyshayish) kuzatiladi. Bola yotgan honada aslo chekish mumkin emas. Rivojlanayotgan o’pkani shkastlanish darajasi ortishiga sabab bo’ladi.
Yo’rgaklarni, kiyimlarni almashtirish, chaqaloqni cho’miltirishdan oldin yechintirish-- dastlabki havo vannalari, dastlabki chiniqtiruvchi muolajalardir. Emizikli bola uchun havo harorati uyda ham ko’chada ham havo vannasi abul qilinishida kamida 22 ⁰C bo’lishi kerak. Bola ancha o’rganib qolgandan keyin harorat havo vannasi qabul qilishda 20 va 18 ⁰C bo’lishi mumkin.
Havo vannalarini ehtiyotlik bilan o’tkazish kerak: dastlabki muddat 2-3 minutdan oshmaslik kerak. Asta-sekin muddat uzaytiriladi va 6 oylik bolalar uchun 15 minut, 6-12 oylik bolalar uchun esa 20-25 munitga yetkaziladi. Muolajani har kuni 2 mahal o’tkazish mumkin. Nimjon va sovuq havoga o’rganmagan bolalarni asta-sekin yechintira borish kerak: dastlab qo’llari va oyoqlari, keyin beligacha yalang’och qilinadi va nihoyat kichkintoy qip-yalang’och qilib qo’yiladi. Yoz paytida havo vannalarini yaxshisi ochiq havoda soyabon tagida yoki daraxtlar soyasida o’tkazish kerak, chunki yoyilgan quyosh nurida ultrabinafsha nurlari ko’p bo’ladi.