Ижтимоий ва ишлаб чиқариш инфратузилмасини ривожлантириш дастури доирасида йўл қўйилган қолоқликларни бартараф этиш тадбирлари тўғрисида

3-масала. Ижтимоий ва ишлаб чиқариш инфратузилмасини ривожлантириш дастури доирасида йўл қўйилган қолоқликларни бартараф этиш тадбирлари тўғрисида.

Ҳурматли Абдулла Нигматович!

Ўзбекистон Республикаси Президентининг 2020 йил 28 декабрдаги

ПҚ-4936-сонли “2021-2023 йилларда Ўзбекистон Республикасининг ижтимоий ва ишлаб чиқариш инфратузилмасини ривожлантириш чора-тадбирлари тўғрисида”ги қарорига асосан 2021 йилда Бухоро вилоятидаги жами 94 та объектларда (жумладан, 18 та мактаблар, 9 та соғлиқни сақлаш объектлари, 14 та мактабгача таълим ташкилотлари, 3 та жисмоний тарбия ва спорт объектлари, 1 та Музей биносини қуриш объекти, 1 та сув объекти, 3 та автомобиль йўллари, 13 та ирригация ва 9 та мелиорация объектлари, 2 та олий таълим объектлари, 13 та туман марказлари, 1 та Когон туман ҳокимлиги биносини қуриш объекти, 3 та ҳуқуқни муҳофаза қилиш ва мудофаа объектлари, 4 та ўрмон хўжалиги объекти) қурилиш-таъмирлаш ишларини олиб бориш учун 590,3 млрд.сўм маблағлар ажратилган. (1-жадвал)
Мазкур объектларнинг 20 таси (булар, 1 та мактаб, 4 та соғлиқни сақлаш, 1 та спорт, 1 та сув, 3 та автомобиль йўллари, 4 та ирригация ва
3 та мелиорация, 2 та олий таълим ва 1 та Когон туман ҳокимлиги биносини қуриш объектлари) йилдан-йилга ўтувчи бўлиб, тасдиқланган режа-жадвалларга асосан мазкур объектларда қурилиш-монтаж ишлари олиб борилмоқда.
74 та янгидан бошланувчи объектлардан 71 таси бўйича лойиҳа-смета ҳужжатлари ишлаб чиқилиб, ижобий экспертиза хулосалари олинган.
* Маълумот учун: Бухоро тарихи музейини қуриш (Буюртмачи: Маданият вазирлиги) ҳамда 2 та мактабгача таълим муассасасини реконструкция қилиш (Буюртмачи: Мактабгача таълим вазирлиги) бўйича экспертиза хулосалари олинмаган.

Бугунги кунда вилоят бўйича жами 51 та объектлар шундан, 47 та объектлар tender.mc.uz порталига ва 4 таси dxarid.uzex.uz порталига эълонга жойлаштирилган.

Ҳурматли Абдулла Нигматович!

Шунингдек, жорий йилда Бухоро вилоят ҳокимлиги ҳузуридаги Ягона буюртмачи хизмати инжиниринг компанияси буюртмачилигида жами

44 та (булар, 18 та мактаб, 9 та соғлиқни сақлаш, 1 та спорт, 3 та бошқа ҳамда 13 та шаҳар ва туманлар марказлари) объектларда янгидан қуриш, реконструкция қилиш ва мукаммал таъмирлаш бўйича тегишли ишлар олиб борилмоқда. (2-жадвал)
Шундан, 7 та объектлар йилдан-йилга ўтувчи бўлиб, ажратилган лимитга нисбатан 21,1 млрд.сўмлик (йиллик режага нисбатан 26 %) қурилиш-монтаж ишлари бажарилган, 13,0 млрд.сўмга (16 %) молиялаштирилган. (3-жадвал)
Янгидан бошланувчи барча 37 та объектлар бўйича экспертиза хулосалари олинган ҳамда 23 та объектлар бўйича эълонлар берилган. 4 та соғлиқни сақлаш объекти бўйича танловлар ўтказилиб, ғолиб пудрат ташкилотлари танлаб олинган. Қолган 19 та объектлар tender.mc.uz платформага жойлаштирилган бўлиб, 15 апрель кунига қадар тендер савдолари тўлиқ ўтказилади ҳамда ғолиб пудрат ташкилотлари билан шартномалар тузилади. (4-жадвал)
Ҳурматли Абдулла Нигматович!
Бугунги кунда фақатгина 13 та шаҳарлар ва туманлар марказларини ободонлаштириш бўйича Вазирлар Маҳкамасининг раёсат баёни чиқмаганлиги сабабли “Лойиҳалар ва импорт контрактларни комплекс экспертиза қилиш маркази”дан хулосалар олинмасдан қолмоқда.

Ўзбекистон Республикаси Президентининг жорий йил 21-22 январь кунлари Бухоро вилоятига ташрифлари давомида берилган топшириқлари бўйича вилоятдаги ижтимоий соҳа ва инфратузилма объектларида қурилиш-таъмирлаш ишларини олиб бориш учун жами 100,0 млрд.сўм маблағлар ажратилган. (5-жадвал) Шундан:

11 та мактаблар (7 та реконструкция қилиш ва 4 та мукаммал таъмирлаш) учун 50,0 млрд.сўм;
Бухоро шаҳар 7-кичик ноҳия худудида 250 катновга мўлжалланган янги оилавий поликлиника биносини куриш ишларига 6,0 млрд.сўм;
4 та автомобиль йўлларини таъмирлаш учун 44,0 млрд.сўм маблағлар йўналтирилади.
Ҳозирги кунда 11 та мактаблар бўйича лойиҳа-смета ҳужжатлари экспертизага топширилган бўлиб, 3 кун муддатда экспертиза хулосалари олинади.
Қолган 1 та соғлиқни сақлаш объекти шу ҳафта охиригача лойиҳа-смета ҳужжатларини ишлаб чиқиш ишлари якунланиб, экспертизага топширилади.
4 та автомобиль йўлларини таъмирлаш бўйича лойиҳа-смета ҳужжатлари ишлаб чиқилмоқда. (Буюртмачи: Автомобиль йўллари давлат қўмитаси)