«Ижтимоий педагогика»

5 — МАВЗУ:
Ижтимоий педагогнинг реабилитацион хизмати модели ва механизми
РЕЖА:
1. Болалар ва ўсмирларга ёрдам кўрсатиш мажмуасининг умумий концепцияси.
2. Болалар ва ўсмирларга ёрдам кўрсатиш хизмати структураси ва тузилиш тамойиллари.
3. Таълим тизимидаги ҳудудий реабилитацион хизмат.
4. Реабилитацион хизматни бошкариш модели ва уни амалга ошириш механизми.


Таянч тушунчалар:
Вояга етмаган ёшлардаги психологик кризис, жамиятни соғломлаштириш, конституцион ҳақ-ҳуқуқлар, экстремал холатлар, қалтис гурух, ҳудудий реабилитация хизмати, психисоматик ва асабий, педагогик ёрдам тамойиллари.
Назорат учун саволлар:
1. Болалар ва ўсмирларга ёрдам кўрсатишнинг умумий концепциясига изох беринг.
2. Ёрдам кўрсатиш хизмати структураси ва тузилиш тамойилларини айтиб беринг.
3. Болалар ва ўсмирларга ёрдам кўрсатиш туман хизмат бўлимлари структурасини кўрсатинг.
4. Реабилитацион хизматни бошқариш моделини чизиб беринг.
Фойдаланилган адабиетлар:

1. Бола ҳуқуқлари тугрисидаги Конвенция. Т. «Ўзбекистон». Болалар жамғармаси. 1993 й.

2. Курбанов Ш. «Мустақиллик пойдевори». Ҳалқ таълими. 5-сон. 2003й. 14-18б.
3. Овчарова Н. Справочник социального педагога. М. Сфера. 2001г.
4. С. Фаунтин. Ноёб ҳуқуқлар. ЮНИСЕФ. 1993 й.
5. Қуронов М., Курбанниязова З. «Ижтимоий педагогика». Маъруза матнлари тўплами. Т. 2003 й.
Болалар ва ўсмирларга ёрдам кўрсатиш мажмуасининг умумий концепцияси.
Махсус статистика ва социологик тадқиқотлар шуни кўрсатадики, кўплаган мамлакатларда болалар ва ўсмирлар оғир ахволда яшаётган бўлиб, бундай оғир аҳвол, ночорлик уларнинг: - психологик ва физиологик соғлигининг пасайиб кетишида, ҳақ-ҳуқуқларининг бузилишида, уларга нисбатан куч, зўравонлик ишлатилишида, алоҳида педагогик фаолият, хизмат кўрсатиш талаб этиладиган, шунингдек, ижтимоий келиб чиқиши паст табақа оилаларнинг фарзандларини мактаблардан сиқиб чиқарилишида, бундай болалар ва ўсмирларни иш билан таъминлаш, жойлаштиришда умумдавлат тизимининг йўлга қўйилмаганида, ақлий жиҳатдан орқада колган, жисмонан ожиз ва заиф болалар ҳамда ўсмирларни ўқитиш, улар билан коррекцион иш олиб бориш, иш билан таъминлаш муаммоларининг давлат органлари, прогрессив жамоатчилик томонидан назардан четда қолдирилганлигида намоён бўлмоқда.
Мана шу каби долзарб муаммоларнинг давлат миқёсида ҳал этилмаганлиги балоғатга етмаган етим, қаровсиз, ақлий жиҳатдан орқада колган болалар ва ўсмирлар ўртасида жиноятчиликнинг ортиб боришига сабаб бўлмоқда. Шу сабабли: - Болалар ва ўсмир ёшларнинг ижтимоий ҳаётини, уларнинг ички маънавий дунёсини согламлаштиришга оид чора ва тадбирларни зудлик билан амалга оширмоқ керак. Бунинг учун эса: 1. болалар ва ўсмирлар ривожланишининг бузилиш сабабларини аниқлаш, уларга педагогик, психологик, тиббий ёрдам беришнинг усул ва воситаларини белгилаб олиб, амалда бажарилишини йўлга қўйиш. 2. Нормал бола ва ўсмир шахсини ривожлантиришга қаратилган тарбия ва таълим жараёнини адекват тахлил этиш лозим.
Вояга етмаган ёшларнинг ақлий, жисмоний ва психологик жиҳатдан орқада колишини бартараф этиш факатгина жамиятни (иқтисодий, маънавий ва сиесий) соғломлаштириш ва умуминсоний қадриятлар асосида шахсни ривожлантиришни таъминлайдиган тарбия ва таълим бериш тизимини яратиш асосида амалга оширилади. Бунда энг асосий вазифалардан бири болалар ва ўсмирларга ёрдам кўрсатиш тизимини тубдан ислоҳ қилишдир. Бу тизим болалар ва ўсмирларнинг маънавий-ахлокий соглигини, конституцион ҳақ-ҳуқуқларини химоя қилишга қаратилади. Булардан бири болалар ҳуқуқини химоя қилиш ҳақидаги Конвенциядир.