Ijtimoiiy fanlar

K I R I SH 
 
O’zbekistonning  davlat  mustaqilligini  qo’lga  kiritishi  tufayli  xalqimizning  asriy  orzusi 
ushaldi,  o’z  taqdiri  va  kelajagini  o’zi  yaratadigan  bo’ldi.  Tarixan  qisqa  davrda  jamiyatimiz 
ijtimoiy-siyosiy  hayotining  barcha  sohalarida  keskin  burilish  yasaldi.  Mamlakatimizni 
modernizatsiya  qilish,  faol  demokratik  yangilanishlarni  amalga  oshirish  bilan  bog`liq  qator 
islohotlar  o’tkazildi.  Jumladan,  ana  shu  buyuk  o’zgarishlarni  asrlar  davomida  orzu  qilgan 
xalqimizning  ko’hna  tarixiga  bo’lgan  munosabati  tubdan  o’zgardi.  Zero,  Prezident  Islom 
Karimov  ta’kidlaganidek:  “O’z  tarixini  bilmaydigan,  kechagi  kunini  unutgan  millatning 
kelajagi yo’q” (Islom Karimov. Yuksak ma’naviyat – yengil maskuch – Toshkent: Ma’naviyat, 
2008.  B.4.).  Ayniqsa,  bugungi  murakkab  globallashuv  davrida  ma’naviyat  sohasida  vujudga 
kelayotgan  dolzarb  muammolar,  xalqimiz  ma’naviyatini  asrash  va  yanada  yuksaltirish,  yosh 
avlodning qalbi va ongini turli zararli g`oya va mafkuralar ta’siridan saqlash va himoya qilishda 
Vatan tarixini har tomonlama va chuqur tadqiq etish, birlamchi manbalarga tayanib talqin etish, 
kelajak  avlodga  haqiqiy  tariximizni  o’qitish  orqali  ularni  yuksak  ma’naviyatli  shaxslar  etib 
tarbiyalash dolzarb ahamiyat kasb etadi. 
Mamlakatimiz tarixida yangi davr-mustaqil taraqqiyot davri boshlandi. Xalqimiz demokratik 
huquqiy  davlat  va  ochiq  fuqarolik  jamiyati  qurish  yo’lida  dastlabki  sinovlardan  o’tdi.  Istiqlol 
yillarida yurtimizda milliy ma’naviyatimizni tiklash, uni zamon talablari asosida rivojlantirish 
bo’yicha ulkan ishlar amalga oshirildi. 
Yangi  jamiyat  qurish,  avvalo,  yoshlarga,  ularning  ma’naviy  dunyosi,  kasb-mahoratiga 
bog`liq. Binobarin, yosh avlodda milliy g`oyani, yuksak ma’naviy fazilatlarni shakllantirishda, 
milliy  ong  va  sog`lom  fikrni  uyg`otish,  ularni  Vatan,  xalq  va  istiqlol  taqdiri  uchun  g`oyaviy 
kurashchanlik  ruhida  tarbiyalashda,  yuksak  ma’naviyatli  komil  inson  bo’lib  shakllanishida, 
shuningdek, xalqimizning ma’naviy yuksalishi yo’lida “O’zbekiston tarixi” fanining ahamiyati 
katta. 
O’zbekiston davlat jahon tillari universiteti O’zbekiston tarixi va huquq asoslari kafedrasida 
O’zbekiston  tarixi  fani  bakalavr  bosqichi  I  kursining  birinchi  semestrida  o’tiladi.  Ushbu  fan 
O’zbekiston  Respublikasi  Vazirlar  Mahkamasi  ijtimoiy  kompleksining  maxsus  metodologik 
komissiyasi  bayonnomasi  va  O’zbekiston  Respublikasi  Oliy  va  o’rta  maxsus  ta’lim  vazirligi, 
oliy  o’quv  yurtlar  ilmiy-uslubiy  birlashmalarining  faoliyatini  Muvofiqlashtiruvchi  Kengash 
Prezidiumining  2011  yil  8-sentabrdagi  majlisi  qarori  bilan  tavsiya  etilgan  namunaviy  dastur 
asosida o’tiladi. Mazkur dastur O’zbekiston Respublikasi Oliy va o’rta maxsus ta’lim vazirligi 
tomonidan  2004  yil  17  sentabrdagi  392-sonli  buyrug’I  bilan  tasdiqlangan.  O’zbekiston  tarixi 
fani namunaviy dastur asosida tarix yo’nalishidan tashqari yo’nalish mutaxassisligiga muvofiq 
ravishda ishlab chiqilgan o’quv-uslubiy, ishchi dastur asosida 66 soat (ma’ruza 28 soat, seminar