Ijtimoiiy fanlar

O’zbekiston  tarixi  fanining  mohiyati,  uning  ilmiy-amaliy  ahamiyati:  tarixni  o’rganish 
jamiyat  taraqqiyotida  muhim  ahamiyatga  ega. Ozod  va  obod,  erkin  va  farovon  hayotni  barpo 
etishda, komil insonni tarbiyalashda, mustaqillikni mustahkamlash va jamiyatimizni ma’naviy 
yuksaltirishda  hamda  milliy  ong,  milliy  g`ururni  shakllantirishda,  milliy  o’zlikni  anglash 
jarayonida  ko’hna  va  boy  tarixning  roli  beqiyosdir.  Istiqlol  sharofati  bilan  o’zbek  xalqining 
asriy  orzusi  ushalib,  uning  e’tiqodi,  urf-odatlari,  qadriyatlari  o’z  o’rniga  qaytdi.  Mustaqil 
davlatning  xalqiga  xos  bo’lgan  xususiyat  va  an’analarni  hisobga  olgan  holda  o’z  rivojlanish 
yo’lini  tanlashi,  boy  madaniyati  va  ma’naviyatini  e’zozlash,  xalq  istiqboliga  qaratilgan  milliy 
istiqlol  g`oyasini  targ`ib  etish,  Vatan  tarixini  xolisona  o’rganish  va  tadqiq  etishni  hayotiy 
zaruriyat darajasiga ko’tardi. 
O’zbekiston  Respublikasi  Prezidenti  I.A.Karimov  ta’kidlaganidek:  “...biz  haqqoniy 
tariximizni tiklashimiz, xalqimiz, millatimizni ana shu tarix bilan qurollantirishimiz zarur. Tarix 
bilan qurollantirish, yana bir bor qurollantirish zarur” (Karimov I.A. Tarixiy xotirasiz kelajak 
yo’q  –  Toshkent:  Sharq,  1998.  B.8.).  Shu  o’rinda  ko’p  yillar  mobaynida  soxtalashtirilib, 
kommunistik mafkura manfaatlariga bo’ysundirilib kelingan boy tariximizni mustaqillik davri 
nuqtai nazaridan o’rganish, xolisona baholash zaruriyati mavjuddir. 
Mazkur  qo’llanma  professor-o’qituvchilarga  fanni  o’qitishda  va  talabalarning  O’zbekiston 
tarixini o’rganishida o’quv-uslubiy qo’llanma sifatida tavsiya etiladi.