Ijtimoiiy fanlar

MUNOFIQLAR-Islom tarixiga xos atama bo’lib, ikki yuzlamachilikni anglatgan. Islom din-
ining yuzaki qabul qilib, o’zi esa avvalgi qabilaviy diniga sig`ishni davom ettirgan arablarga nis-
batan qo’llanilgan. 
MURID-pir  yoki  eshonga  qo’l  berib,  ularni  o’zining  rahnamosi  deb  bilgan  shaxs.  Muridlar 
o’z pirlariga itoat etishi, xizmat qilish va ularning izidan borishi lozim bo’lgan. 
NOYIB-O’rta  asrlarda  musulmon  davlatlarida  o’lka  yoki  viloyat  hukmdori.  Oltin  O’rdada 
noyib xonning yirik viloyatlaridagi yordamchisi. 
SADAQA-musulmonlarda  faqirlarga  xayr-ehson  tariqasida  beriladigan  hadya.  Sadaqa  qattiq 
kasallik,  yomon  tush,  qo’qqisdan  biror  falokatga  yo’liqish  natijasida  yuz  beradigan  kulfat  va 
musibatning oldini olish maqsadida berilgan. Shuningdek, biror xursandchilik munosabati bilan, 
sayohat yuzasidan sadaqa berish ham rasm bo’lgan. 
RO’ZA-Islomning  farz  hisoblangan  marosimlaridan  biri.  Qur’oni  Karimda  yozilishicha, 
ramazon oyi davomida Alloh Muhammadga Qur’onni vahiy qilib yuborgan, shuning uchun har 
bir  musulmon 30 kun sahardan shomgacha ro’za tutishi kerak bo’lgan. Shariatda ro’za tutishni 
erkaklar  uchun  12  yoshdan,  ayollar  uchun  9  yoshdan  belgilangan.  Unda  ko’rsatilishicha, 
cho’milish, chekish, gul hidlash, ovqat iste’mol qilish, dori ichish bilan ro’za buziladi. Bu ma-
rosim Qur’oni Karim, Hadis va shariatda gunohlardan qutulish, savob orttirish uchun eng yaxshi 
yo’l  deb  talqin  qilinadi.  Ro’zadan  homilador,  emizikli  ayollar,  og`ir  bemorlar  va  safarga 
chiqqanlar ozod etilgan. 
SALLA-Musulmonlarda  boshga  o’raladigan  mato.  Asosan  erkaklar  o’raydi.  Oq,  yashil,  kul 
rang matolardan ko’pincha dokadan iborat bo’lib, do’ppi, telpak ustidan o’raladi. Kishi safarda, 
yo’lda vafot etgan, jangda halok bo’lgan paytlarda sallasidan kafan qilishga mo’ljallangan. Salla 
o’rash usullari, matosi kishilarning qaysi ijtimoiy guruhga mansubligiga qarab belgilangan. Ma-
salan, o’zlarini sayidlar deb hisoblovchilar va hojilar yashil matodan salla o’raganlar. 
SUNNA-Muhammad Payg`ambarning ko’rsatmalari va oyatlari haqidagi hadislar, rivoyatlar. 
Islomda faqat Muhammad ibrati, an’anasi deb e’tirof etilib, Qur’oni Karimdan keyingi muqaddas 
manba hisoblanadi. Sunna VII asr o’rtalarida yig`ila boshlagan.