Ijrosining buxgalteriya hisobi ikkinchi bob. Moliya organlarida davlat budjeti ijrosining

4. MOLIYA ORGANLARIDA QO‘LLANILADIGAN

BUXGALTERIYA HUJJATLARI

Moliya organi buxgalteriya xizmatida hisobga olinayotgan budjet ijrosi bo‘yicha barcha operatsiyalar hujjatlar bilan belgilangan tartibda rasmiylashtirilgan bo'lishi kerak. Pul mablag‘larini o'tkazish bo‘yicha buxgalteriya hujjatlari, hisob-kitob tavsifidagi va ssudalar bo‘yicha hujjatlar Moliya organining rahbari yoki uning o'rinbosari va bosh buxgalteri tomonidan imzo chekiladi. Bosh buxgalter ta’tilda, kasal, xizmat safarida yoki boshqa sabab bilan bo‘lmaganda uning o‘rinbosari tomonidan imzo qo‘yiladi. Bu imzolarsiz buxgalteriya hujjatlari qonuniy kuchga ega emas, deb hisoblanadi. Tegishli ko‘rsatkich (rekvizit)lari to‘ldirilmagan hujjatlarga imzo chekish man qilinadi.

Moliya organida mahalliy budjet ijrosi bo‘yicha operatsiyalami buxgalteriya yozuvlari uchun asos bo‘ lib tegishli ravishda rasmiylashtirilgan quyidagi hujjatlar xizmat qiladi:

1) moliyalashtirish rejasi;

2) moliyalashtirish miqdorlari o‘zgarganligi to‘g‘risida m a’lumotnoma-bildirishnoma (17-shakl);

3) mahalliy budjet mablag‘ lari depozit hisobvarag'iga kelib tushgan daromadlar to‘g‘risida ma’lumotnoma (3-shakl);

4) tayinlash sertifikatlari (5-shakl va 12-shakl);

5) o‘zaro hisob-kitoblar bo‘yicha bildirishnoma (11-shakl);

6) daromadlami qaytarish to‘g‘risidagi xulosa (21-shakl);

7) budjet mablag‘ larini tasarruf qiluvchilarga mahalliy budjetdan mablag'lar o'tkazib berish uchun to'lov topshiriqnomalari;

8) budjet bo‘yicha xarajatlar smetalari ijrosi to‘g‘risida davriy va yillik hisobot;

9) budjet mablag‘lari hisobidan kapital qo‘yilmalar va boshqa tadbirlami moliyalashtirish bo‘yicha tijorat banklari va 0‘zbekiston Respublikasi M arkaziy banki muassasalarining hisobotlari;

10) memorial order (274-shakl);

11) 0‘zbekiston Respublikasi Markaziy banki muassasalarining mahalliy budjet mablag‘ larining asosiy depozit hisobvarag'idan ko‘chirmalari, 0‘zbekiston Respublikasi M arkaziy bank muassasalarining mahalliy budjetlar mablag‘ larining asosiy depozit hisobvaraqlaridagi mablag‘lar qoldig‘i to‘g‘risidagi hisobotlari;

12) budjet ijrosi bilan bog‘ liq bo‘lgan boshqa hujjatlar.