Ii–qism. Microsoft Word, Microsoft Excel va Microsoft Access

II.8. Ro‘yxatning axborotlariga ishlov berish

Agar kundalik ishda katta axborot oqimini kuzatishga to‘g‘ri kelsa – pochta jo‘natmalari, telefonlar ro‘yxati va h.k., – masalani Excelda mavjud bo‘lgan ro‘yxatlarga ishlov berish vositalari yordamida soddalashtirish mumkin. Ro‘yxat – bu ustun – maydon va satrlar – yozuvlarga ajratilgan jadval. Ro‘yxat bu ma’lumotlar ombori bo‘lib, Excel kitobida saqlanganligi sababli (Access yoki Fox Pro dasturlari yordamida yaratilgan maxsus formatda emas) Microsoft firmasi ro‘yxat so‘zidan foydalangan.

II.8.1. Ro‘yxatdan ma’lumotlar ombori sifatida foydalanish

Ro‘yxat – bu doimiy formatli ma’lumotlar saqlanadigan satrlardir. Excelning ro‘yxatlarga ishlov berish barcha buyruqlarini qabul qiluvchi varaq yaratish uchun ma’lum bir ko‘rsatmalarga rioya qilishga to‘g‘ri keladi. Yaratilayotgan ro‘yxat doimiy sondagi ustundan iborat bo‘lishi kerak. Satrlar soni keyinchalik qo‘shish, o‘chirish imkonini beruvchi o‘zgaruvchi hisoblanadi. Har bir ustunda bir xil tur axborot saqlanishi zarur, ro‘yxatda bo‘sh satr yoki ustun qolmasligi lozim (II.8.1-rasm).
II.8.1-rasm. Excelda ro‘yxat yaratish
Excelda ro‘yxat yaratish quyidagicha amalga oshiriladi:
Joriy kitobda yangi varaq ochiladi. Ro‘yxatlarga ishlov berish buyruqlari bajarilganda, Excel ma’lumotlarni avtomatik ajratishi uchun alohida varaqlarda yaratgan ma’qul.
Ro‘yxatda har bir maydon uchun sarlavha yaratiladi va formatlanadi.

149
Sarlavha ostidagi katakchalar unda saqlanadigan ma’lumotlarga mos ravishda formatlanadi (pul yoki vaqt).

Sarlavha ostiga ma’lumotlar kiritiladi. Satrlar soni ixtiyoriy bo‘lishi mumkin; ro‘yxatda bo‘sh satrlar bo‘lishi mumkin emas. Kiritish tugallanganidan so‘ng kitob saqlab qo‘yiladi.
Maslahat. Ro‘yxatda takrorlanuvchi qiymatlarni kiritishda Avtoto‘ldirish (Автозаполнение) katta yordam beradi. Undan foydalanish uchun Сервис / Параметры (Tools / Options) buyrug‘i bajariladi. Правка (Edit) qo‘yilmasiga o‘tilib, Автозаполнение значений ячеек (AutoComplete For Cell Values) da bayroqcha o‘rnatiladi.