Iii qism. Musiqa asarlari tahlili 1-mavzu. Musiqiy shakl va uning umumiy asoslari

Klassik rondoda shakl hosil qilishning turli tamoyillarining aralashma qо‘llanishi ham kuzatiladi. Bu, eng avvalo, turli strukturalar: rondallik va uch qismlilikning birikishida kо‘zga tashlanadi. Shunda uch qismli ekspozitsiyada va murakkab uch qismli shakldagi qisqartirilgan reprizada ikkilamchi (bо‘ysundirilgan) struktura – rondo yuzaga keladi (Betxovenning № 10 sonatasidan skerso-final).
Bundan tashqari, besh qismli rondoda umumiy strukturaning yashirin uch qismliligi hamma vaqt о‘rin tutadi, bunda ikkinchi epizod birinchisidan ahamiyatliroq (kattaroq) bо‘ladi. Bu klassik uslub uchun xos bо‘lgan shakl bosiqligini (mutanosibligi) yuzaga keltiradi.
Shakl hosil qilish tamoyillarining aralashmasi rondo shakliga variatsion rivojlantirish tamoyilining kirib kelishida ham namoyon bо‘ladi. Bu jihatdan refrenni takrorlashda uni variatsiyalash asosiy xususiyat sanaladi (Betxoven. Andante F-dur ).