Iii qism. Musiqa asarlari tahlili 1-mavzu. Musiqiy shakl va uning umumiy asoslari

Qadimiy rondo.
XVII asr va XVIII asrning birinchi yarmida ijod qilgan kompozitorlarda rondo shakli asosan qо‘shiq-raqs xarakteridagi musiqada yoki bevosita raqs janrida: gavot, menuet, jigalarda qо‘llangan.
Ronda shakli ayniqsa fransuz klavesinchilari F.Kuperen, J.B.Lyulli, L.K.Daken, J. F.Dandrie, J.F.Ramo ijodida keng tarqalgan. Kompozitor-klavesinchilar cholg‘u miniatyurasi janrini, qо‘llaganlar va juda kо‘p hollarda bu dasturli asar bо‘lgan. Ushbu miniatyuralarning katta qismi rondo shaklida yozilgan.
Bu turdagi rondolar uchun qator xislatlar xos:
a) dasturlilik – har bir asar о‘z nomiga ega;
b) qо‘shiq-raqs obrazli tuzilma;
v) kо‘p qismli shakl;
g) epizodlar refrenga yaqin tonalliklarda yoziladi (birinchi epizodlarda dominanta, oxirgilarida subdominanta sohasidagi tonalliklarni qо‘llash tendensiyasi kо‘zga tashlanadi);
d) mavzuiy jihatdan epizodlar refren bilan kam kontrast hosil qiladi.Kо‘p hollarda epizodlar mavzu bilan intonatsion turdosh bо‘ladi;
e) refren va epizodlarning yopiqligi, ularning bir-biridan uzoqligi (refren, odatda, davriya shaklida yoziladi, epizodlar esa yo davriya, yo yanada erkin tuzilma, biroq albatta yopiq kadansli bо‘ladi);
j) gomofon bilan qatorda polifonik tuzilmadan keng foydalanish.