Iii-kurs V- semestr

2) Ayollar hayoti davomida olib boriladigan sanitar - oqartuv ishlar.
a) Fertil yoshidagi ayollarga qaratilgan sanitar-oqartuv ishlar.
b) 1992 yildan boshlab bolalar ginekologi kabinetlarini ochilishi. Bolalar sog’ligini muhofaza qilishda asosiy tadbirlar, reproduktiv faoliyatning buzilishi va ginekologik kasalliklarni oldini olishda muhim ahamiyatga ega. Bu tadbirlarga - bolalar va o’smirlarda uchraydigan jinsiy sistemasining funksional buzilishlari va kasalliklarini davolash, o’z vaqtida tashxislash va oldini olish kiradi. Bolalar va o’smirlar ginekologiyasi muammolari o’rganib chiqilganda, hamda ushbu sohada qilingan ilmiy tadqiqotlarni tadbiq qilish natijasida, ushbu soha bo’yicha mutaxassis - shifokorlar tayyorlash extiyoji tug’ildi. Bu mutaxassislar bolalarning jinsiy a'zolarida uchraydigan kasalliklar va buzilishlarni davolash va oldini olish uchun yordam ko’rsatadilar. Bunday mutaxassislarni tayyorlash O’zbekistonda 1992 yildan boshlangan.
Bolalar va o’smirlar ginekologik kasalliklarni davolash va oldini olish uchun 3 bosqichli tizim faoliyat ko’rsatib kelmoqda.
1 bosqich - maktabgacha bo’lgan muassasalarda, maktablarda va bolalar dam olish maskanlarida tibbiy yordam ko’rsatish. Bunda asosiy masala o’qituvchilar,
ota-onalar va qizlar orasida sanitar-oqartuv ishlarini olib borish va qizlar orasidan kasalliklarni aniqlab, mutaxassislarga yuborish.
2 bosqich - davolash va oldini olish ishlari oilaviy poliklinikalarning maxsus xonalarida olib boriladi. Bu bosqichning vazifasi - shifoxonada sharoitida davolanishni talab qilmaydigan jinsiy a'zolardagi kasalliklarni tashxislash va davolashdan iborat.
3 bosqich - shifoxona sharoitida bemorlarni tashxislash va davolash. Shifokorning muntazam nazoratiga, murakkab tekshirish usullariga va davolashga muhtoj bemorlar shifoxonaga davolanish uchun yuboriladi. JSS tashkiloti ekspertlari aytishicha, o’smirlik davri nisbatan muammolardan holis bo’lishiga qaramay, kritik davr hisoblanadi, chunki bu davrdagi noto’g’ri ovqatlanish va turli xil kasalliklar keyinchalik reproduktiv davrida katta asoratlarga sabab bo’lishi mumkin.

•