Iii, IV ва V гуруҳ катионлари аралашммаларининг анализи йўналиши

Хром (III) ни аниқланиши: Текширилаётган эритманинг 2-5 томчисига шунча миқдорда 6 н. ли сирка кислотасидан қушилади. Сўнгра 3-4 томчи натрий ацетат ва 15 т томчи 5% ли ЭДТА эритмасидан қўшилади. Ҳосил бўлган эритмани сув ҳаммомида иситилган ҳолда яхшилаб аралаштирилади. Эритмадаги ҳосил бўлган бинафша ранг эритмада Cr³⁺ ионинг борлигини билдиради.
Никел (II)ни аниқланиши: Текширилаётган эритманинг 3-5 томчисига 5-6 томчи HNO₃ томизилади, аралаштирилади ва сув ҳаммомида қиздирилади. Эритма совигандан сўнг эритмадаги Fe(III) ва Cu(II) ларни комплекс ҳолатга ўтказиш учун қуруқ вино кислотасидан солинади. Сўнгра ишқорий муҳит ҳосил бўлгунча аммиак эритмасидан қўшилади. Ҳосил бўлган эритмага 2-3 томчи ДМГ эритмасидан томизилади. Эритмада ўзига хос қизил чўкманинг ҳосил бўлиши никел (II)нинг мавжуд эканлигидан далолат беради.


III, IV ва V гуруҳ катионлари аралашммаларининг систематик анализи
Чинни косачага солинган бошланғич эритманинг 4 мл миқдорига даставвал нейтрал муҳит ҳосил қилиш учун ва сўнгра яна 25-30 томчи NaOH нинг 2н ли эритмасидан қўшилади. Кейин 5-8 томчи водород пероксид қўшиб эритма эҳтиётлик билан қайнагунча қиздирилади (доимий аралаштириб турган ҳолда). Қиздириш эритманинг тахминан 2 баравар камайгунига қадар давом эттирилади. Қолган эритмани центрифуга пробиркасига солиб, центрифуга қилинади ва эритмани чўкмадан ажратилади. Чўкма №1 да қуйидаги моддалар бўлиши мумкин: Fe(OH)₃, MnО(OH)₂ , Mg(OH)₂ , Cu(OH)_2, Cd(OH)₂, Ni(OH)₂ , Co(OH)₂, Bi(OH)₃, HgO ва Sb(OH)₅. Эритма №1 да эса қуйидаги ионлар бўлиши мумкин: AlO₂^2-, ZnO₂², CrO₄^2-, SnO₃^2- ва AsO₄^3- .
Эритма №1 нинг анализи: Эритма №1га аралаштириб турган ҳолда аммиак ҳиди пайдо бўлгунча қуруқ NH₄CI тузидан солиб сув ҳаммомида қиздирилади. Бунинг натижасида тушган чўкма алюминий ва қалай (IV) гидрооксидларидан иборат бўлиши мумкин (Чўкма №2). Эритмада СrO₄^2- , AsO₄ ^3- ва [Zn(NH₃)₄]²⁺ ионлари қолади (Эритма №2). Эритмани чўкмадан ажратиб олинади.