Iii, IV ва V гуруҳ катионлари аралашммаларининг анализи йўналиши

III, IV ва V гуруҳ катионлари аралашммаларининг анализи йўналиши.

III, IV ва V гуруҳ катионлари мавжуд бўлган текширилаётган эритмадан куйидаги катионларни аниқлаш мумкин. Fe³⁺ , Fe²⁺ , Co²⁺, Ni²⁺ , Cr³⁺. Аввало темир (II) ва темир (III) ларни дастлабки текширилаётган эритмадан аниқлаб олиш зарур, чунки систематик анализ мобайнида барча темир ионлари Fe³⁺ гача оксидланиб кетади ва бунинг натижасида эса текширилаётган эритмадаги темирнинг оксидлланиш даражасини аниқлаш имконияти йўқолади. Юқорида кўрилган бошқа катионларни эса бўлиб, бўлиб осонгина аниқлаш мумкин. Улар анализ мобайнида ўзига хос (специфик) реакциялар орқали очилади.

Темир (II) ни аниқланиши: Текширилаётган эритманинг 2-5 томчисига конц. HCI ва К₃[Fe(CN)₆] эритмаларидан 2-3 томчидан томизилади. Кўк чўкма трунбул кўкининг ҳосил бўлиши мазкур эритмада темир (II) ионининг борлигидан далолат беради.
Темир (III) ни аниқланиши: Текширилаётган эритманинг 2-5 томчисига конц. HCI ва К₄[Fe(CN)₆] эритмаларидан 2-3 томчидан томизилади. Натижада ҳосил бўлган кўк чўкма Берлин лазури эритмада темир (III) ионининг борлигидан далолат беради.
Кобальт (II) ни аниқланиши: Текширилаётган эритманинг 3-5 томчисига HCI ва рН и 4-5 бўлгунча СН₃СООNa эритмаларидан томизилади, сўнгра қуруқ NH₄F солинади. Бунда эритмада қолган Fe³⁺ иони роданид иони билан таъсирлашмайдиган фторли комплекс ҳосил қилади. (озгина аммоний роданид ҳам қўшилади.). Эритма аралаштирилиб, озгина амил спирти қўшилади ва яхшилаб чайқатилади. Агар эритмада Со(II) бўлса спиртли қават ҳаво ранга бўялади.
Марганец (II)ни аниқланиши: Текширилаётган эритманинг 3-5 томчисига 5-6 томчи HNO₃ томизилади. Кейин 7-10 томчи атрофида сув қўшиб аралаштирилади. Сўнгра эритмага қуруқ порошок ҳолидаги натрий висмутат тузидан қўшилади ва аралаштирилиб, центрифуга қилинади. Ажратиб олинган эритманинг бинафша рангда бўлиши Mn²⁺ нинг борлигидан далолат беради.