Iii боб. ЭҲтимоллар назариясининг математик асослари педагогик тадқИҚотлар талқинида

Биринчи таъриф. Агар А ҳодисанинг рўй беришидан В ҳодисанинг рўй бериши келиб чиқса, у ҳолда А ҳодиса В ҳодисани эргаштиради деб аталади ва у АВ кўринишда белгиланади.

Иккинчи таъриф. Агар А ҳодиса В ҳодисани эргаштирса ва аксинча В ҳодиса А ҳодисани эргаштирса у ҳолда қаралаётган ҳодисалар тенг кучли ҳодисалар деб аталади ва улар А═В кўринишда белгиланади, яъни А⸦В ва В⸦А бўлса, у ҳолда А═В бўлади.

Учинчи таъриф. Агарда А ва В ҳодисаларнинг айни бир вақтда рўй бериши мумкин бўлмаса, у ҳолда қаралаётган ҳодисалар биргаликда бўлмаган ҳодисалар деб аталади ва улар А•В= V кўринишда белгиланади.

Тўртинчи таъриф. А ҳодиса рўй берганда рўй бера олмайдиган ва аксинча А ҳодиса рўй бермаганда рўй берадиган ҳодисага А ҳодисага қарама-қарши ҳодиса деб аталади ва у кўринишда белгиланади.

Ҳодисаларни қўшиш. Ҳодисаларнинг ҳеч бўлмаганда бирининг рўй беришидан ҳосил бўлган ҳодиса қаралаётган ҳодисаларнинг йиғиндиси деб аталади ва у А+В кўринишида белгиланади.

Ҳодисаларни кўпайтириш. Қаралаётган ҳодисаларнинг ҳаммаси бир вақтда рўй беришидан ҳосил бўлган ҳодисага қаралаётган ҳодисаларнинг кўпайтмаси деб аталади ва у А•В кўринишда белгиланади.

А•А=V ва А+А=U

Агар маълум шарт-шароитлардан ҳар бирининг амалга ошишида А₁, А₂, ...., А_n тасодифий ҳодисалардан ҳеч бўлмаганда биттаси рўй берса, яъни А₁, А₂, ...., А_n = U бўлса, А₁, А₂, ...., А_n ҳодисаларнинг тўлиқ гуруҳини ташкил этади дейилади.

Қаралаётган А₁, А₂, ...., А_n ҳодисаларнинг рўй берган ҳоллари сони (m) нинг ўтказилган тажрибалар умумий сони (n) га нисбати тасодифий ҳодисанинг нисбий частотаси дейилади.

Нисбий частота кўринишда ёзилади.

1. 
   Мавзу бўйича муаммоли саволлар ва топшириқлар:
   

1. 
   Бир-бирини эргаштирувчи ҳодисаларга гуруҳингиздаги воқеалардан мисоллар келтиринг?
   
2. 
   Тенг кучли ҳодисаларга дарс жараёнидан мисоллар келтиринг?
   
3. 
   Айни бир вақтда рўй берадиган ҳодисаларга айнан ўзингиздан мисол топинг?
   
4. 
   Қарама-қарши ҳодисаларга касрлардан мисол топса бўладими?
   
5. 
   Биргаликда бўлмаган ҳодисаларга дарсни ташкил этиш жараёнидан мисол топса бўладими?
   

•