Iii. Банк фаолиятини тартибга солиш

42-модда. Банкларнинг молиявий
ҳисоботларни эълон қилиши

Банклар ўз молиявий ҳисоботларини Марказий банк белгилайдиган шакл ва муддатларда, унда кўрсатилган маълумотнинг тўғрилигини аудиторлар тасдиқлагач, матбуотда эълон қиладилар.

Қаранг: АВ томонидан 2004 йил 25 октябрда 1419-сон билан рўйхатга олинган МБ Бошқаруви Қарори билан тасдиқланган “Ўзбекистон Республикаси Марказий банки томонидан тижорат банкларининг чоп этиладиган йиллик молиявий ҳисоботларига қўйиладиган талаблар тўғрисида”ги Низом
43-модда. Банклар аудити

Банкларнинг фаолияти қонун ҳужжатларига мувофиқ аудиторлик текширишларини амалга ошириш учун лицензияга эга бўлган аудиторлар томонидан ҳар йили текшириб турилиши лозим.

Қаранг: АВ томонидан 2000 йил 4 ноябрда 982-сон билан рўйхатга олинган МБ ва МВ томонидан тасдиқланган “Ўзбекистон Республикаси банкларида аудит текширувларини ўтказиш тўғрисида”ги Низом

Аудит, хусусан, капиталнинг етарлилигини баҳолаш, ссудаларни таснифлаш, ссудалар бўйича зарарларни қоплаш, таваккалчиликни ва ликвидликни ўлчашни ўз ичига олади.

Банклар қонун ҳужжатларига мувофиқ ички аудиторлик дастурларини ишлаб чиқишлари ва амалга оширишлари ҳам шарт.


Қаранг: АВ томонидан 2004 йил 20 апрелда 992-1-сон билан рўйхатга олинган МБ Бошқаруви Қарори билан тасдиқланган “Тижорат банкларининг ички аудитига Марказий банк томонидан қўйиладиган талаблар тўғрисида”ги Низом (Янги таҳрири)
44-модда. Банкларни назорат қилиш

Марказий банк қонун ҳужжатларига мувофиқ банклар фаолиятини назорат қилиб боради.

Марказий банк тижорат банкларидан ахборот беришни талаб қилишга ва ушбу Қонунни бажариш мақсадида бошқа ишларни амалга оширишга ҳақлидир.


Қаранг: “Ўзбекистон Республикасининг Марказий банки тўғрисида”ги Қонуннинг 51-моддаси

Банклар фаолиятини текшириш Марказий банк томонидан белгиланадиган тартибда амалга оширилади.

Қаранг: АВ томонидан 2011 йил 14 апрелда 2217-сон билан рўйхатга олинган МБ Бошқаруви Қарори билан тасдиқланган “Ўзбекистон Республикаси Марказий банки томонидан банклар ва уларнинг филиалларида инспекция (текшириш) ўтказиш тартиби тўғрисида”ги Низом
Ўзбекистон Республикасининг Президенти И. Каримов
Ўзбекистон Республикаси Олий Мажлис Ахборотномаси, 1996 йил, 5-6-сон, 54-модда