Iii. Банк фаолиятини тартибга солиш

30-модда. Банк операцияларига доир ҳужжатлар

Банклар ҳужжатларни Марказий банк белгилаган тартибда ва муддатда ўз архивларида сақлашлари шарт.

Қаранг: АВ томонидан 1999 йил 25 ноябрда 841-сон билан рўйхатга олинган МБ томонидан тасдиқланган “Ўзбекистон Республикаси банкларида архив ишларини юритиш тўғрисида”ги Қоида; АВ томонидан 2000 йил 26 июлда 951-сон билан рўйхатга олинган МБ ҳамда ВМ қошидаги Бош архив бошқармаси томонидан тасдиқланган “Тижорат банклари фаолиятида юзага келадиган ҳужжатларнинг сақланиш муддатлари рўйхатини қўллаш бўйича Кўрсатма” (ҳужжат рус тилида келтирилган); АВ томонидан 2007 йил 2 июнда 1685-сон билан рўйхатга олинган МБ Бошқаруви Қарори билан тасдиқланган “Ўзбекистон Республикаси банкларида электрон архив ишларини юритиш тартиби тўғрисида”ги Йўриқнома
31-модда. Банклар ва мижозлар ўртасидаги муносабатлар

Банклар ва уларнинг мижозлари ўртасидаги муносабатлар шартномалар асосида амалга оширилади.

Мижозлар қонун ҳужжатларида белгиланган тартибда ўзлари танлаган битта ёки бир нечта банкда миллий валютада ва чет эл валютасида талаб қилиб олгунча сақланадиган депозит ҳисобварақлар очишга ҳақли. (ЎзР 15.04.1999 й. 772-1-сон Қонуни таҳриридаги қисм)


Қаранг: АВ томонидан 2011 йил 4 мартда 2205-сон билан рўйхатга олинган МБ Бошқаруви Қарори билан тасдиқланган “Ўзбекистон Республикаси банкларида депозит операцияларини амалга ошириш тартиби тўғрисида”ги Йўриқнома

Мижозлар ўзлари танлаган фақат битта банкда миллий ва чет эл валютасида талаб қилиб олгунча сақланадиган депозит ҳисобварақлар очишга ҳақли. Бунда Ўзбекистон Республикаси ҳудудида тузилган чет эл инвестициялари иштирокидаги корхоналар ўз танлови бўйича битта ёки бир нечта банкда сўмлар ва чет эл валютасида талаб қилиб олгунча сақланадиган депозит ҳисобварақларига эга бўлишга ҳақли. (ЎзР 30.08.1997 й. 485-1-сон Қонуни таҳриридаги қисм)

Банклар мижозларга ҳисобварақлар очишнинг Марказий банк белгилаган тартибига риоя қилишлари шарт.


Қаранг: АВ томонидан 2009 йил 27 апрелда 1948-сон билан рўйхатга олинган МБ Бошқаруви Қарори билан тасдиқланган “Ўзбекистон Республикаси банкларида очиладиган банк ҳисобварақлари тўғрисида”ги Йўриқнома

Банкнинг барча хизматлари банк акциядорлари ва бошқа мижозларга тенг шартлар асосида кўрсатилади.