Ii. ФҲдё фаолиятига боғлиқ бўлган қонунчилик соҳаси бўйича Нодира опа

Никоҳдан ажратиш қайд этилгандан сўнг никоҳ тузилганлиги тўғрисидаги гувоҳномага унинг тугатилганлиги ҳақида белги қўйилади ва у аризачиларга қайтарилади.
Никоҳдан ажратишни қайд этишда, эр ва хотиннинг ўзаро келишувига кўра, уларнинг биридан ёки иккаласидан белгиланган тартибда давлат божи ундирилади. (умумий суммаси энг кам иш ҳақининг 150% (276.450) давлат божи, герб йиғими 15% (27.645), пулли хизмат 10% (18.430))
Эр ёки хотиндан бирининг иштирокида никоҳдан ажратишни қайд этишда давлат божи тўлиқ миқдорда ундирилади.
Шунингдек, Ўзбекистон Республикаси адлия вазирининг 31.12.2013 йилдаги 400-мҳ сонли буйруғи билан тасдиқланган Фуқаролик ҳолати далолатномаларини ёзиш органларида иш юритиш тартиби тўғрисидаги Йўриқнома нинг 100 бандига асосан Вояга етмаган фарзандлари ҳамда мулкий низолари бўлмаган эр-хотинларнинг ўзаро розилиги асосида никоҳдан ажралишни қайд этиш ҳақида биргаликдаги аризаси (36-илова) келиб тушган куни Никоҳдан ажралишни қайд этиш ҳақидаги аризаларни рўйхатга олиш дафтарига кирим қилинади ва аризанинг юқори ўнг бурчагига ФҲДЁ органи ходимининг имзоси қўйилиб, никоҳдан ажралишни қайд этиш тайинланган сана ёзилади.
39. Эр ёки хотиндан бирининг аризаси асосида никоҳдан ажратиш мумкинми, мумкин бўлса қандай тартибларда амалга оширилади? (Ўзбекистон Республикаси Вазирлар Махкамаси томонидан 2016 йил 14.11 №387 сон Қарори билан тасдиқланган Фуқаролик ҳолати далолатномаларини қайд этиш Қоидалари 113-117 бандлари)

- Ўзбекистон Республикаси Оила кодексининг 43 ва 219-моддаларига мувофиқ эр-хотиндан бири:

суд томонидан бедарак йўқолган деб топилган бўлса; (давлат божи умуман ундирилмайди) фақат герб йиғими 15% (27.645), пулли хизмат 10% (18.430)) ундирилади

суд томонидан руҳияти бузилиши (руҳий касаллиги ёки ақли заифлиги) сабабли муомалага лаёқатсиз деб топилган бўлса; (давлат божи умуман ундирилмайди) фақат герб йиғими 15% (27.645), пулли хизмат 10% (18.430)) ундирилади

содир қилган жинояти учун уч йилдан кам бўлмаган муддатга озодликдан маҳрум қилинган бўлса, ўртада вояга етмаган умумий болалари бор-йўқлигидан қатъи назар, эр-хотиндан бирининг аризасига кўра ФҲДЁ органларида никоҳдан ажратиш қайд этилади.